കോഴിക്കോട്: റിപ്പബ്ലിക് ദിനത്തില്‍ എസ്.കെ.എസ്.എസ്.എഫിന്റെ ആഭിമുഖ്യത്തില്‍ രാജ്യത്തിനകത്തും പുറത്തുമായി 61 കേന്ദ്രങ്ങളില്‍ മനുഷ്യ ജാലിക തീര്‍ത്തു. 'രാഷ്ട്ര രക്ഷക്ക് സൗഹൃദത്തിന്റെ കരുതല്‍' എന്ന സന്ദേശവുമായി സംഘടന 11-ാം തവണയാണ് ഈ വര്‍ഷവും പരിപാടി സംഘടിപ്പിച്ചത്.

കേരളത്തില്‍ 14 കേന്ദ്രങ്ങളിലും ഡല്‍ഹി, ബംഗാള്‍, അസം, മഹാരാഷ്ട്ര, അന്ധ്രപ്രദേശ്, തെലുങ്കാന, കര്‍ണാടക, തമിഴ്‌നാട്, ലക്ഷദ്വീപ് എന്നീ സംസ്ഥാനങ്ങളില്‍ 17 കേന്ദ്രങ്ങളിലുമായാണ് മനുഷ്യ ജാലികകള്‍ തീര്‍ത്തത്. ജാലികാ റാലിയിലും തുടര്‍ന്നു നടന്ന പൊതുസമ്മേളനങ്ങളിലും ആയിരങ്ങള്‍ സംബന്ധിച്ചു.

സഊദി, യു.എ.ഇ, ഖത്തര്‍, ബഹ്‌റൈന്‍,ഒമാന്‍, കുവൈത്ത് എന്നീ രാജ്യങ്ങളില്‍ മുപ്പത് കേന്ദ്രങ്ങളിലും പരിപാടി നടന്നു. ദേശീയോദ്ഗ്രഥന ഗാനം, പ്രതിജ്ഞ, പ്രമേയ പ്രഭാഷണം എന്നിവയും പരിപാടിയില്‍ നടന്നു.