തളിപ്പറമ്പ്: മുന്നോട്ടെടുത്ത കാര്‍ ജീപ്പിലിടിച്ച് ഒരാള്‍ക്ക് പരുക്ക്. തളിപ്പറമ്പ് കാര്‍ഷിക വികസന ബാങ്ക് ജീപ്പ് ഡ്രൈവര്‍ വെള്ളാട് സ്വദേശി ടി.വി ബാബു(53)വിനാണ് പരുക്കേറ്റത്. ഇന്നലെ രാവിലെ സീലാന്റ് ടൂറിസ്റ്റ്‌ഹോം കോംപ്ലക്‌സില്‍ നിര്‍ത്തിയിട്ട കാര്‍ഷിക വികസന ബാങ്കിന്റെ ജീപ്പിലേക്ക് ഇതിനു സമീപത്തായി നിര്‍ത്തിയിട്ട അനൂപ് കോശി എന്നയാളുടെ കാര്‍ വന്നിടിക്കുകയായിരുന്നു. ഡ്രൈവറുടെ അശ്രദ്ധയാണ് അപകടത്തിനിടയാക്കിയതെന്ന് പറയുന്നു. ജീപ്പ് ഡ്രൈവര്‍ ബാബുവിന് രണ്ടു വാഹനങ്ങള്‍ക്കുമിടയില്‍പ്പെട്ടാണ് പരുക്കേറ്റത്. കാലിന് സാരമായി പരുക്കേറ്റ ബാബുവിനെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.