പാലക്കാട്: സമസ്ത കേരള ജംഇയ്യത്തുല്‍ മുഅല്ലിമീന്‍ പാലക്കാട് റെയ്ഞ്ച് ഇസ്്‌ലാമിക കലാമേളയില്‍ 141 പോയിന്റ് നേടി മഞ്ഞക്കുളം ഹുസൈനിയ്യ മദ്രസ ഓവറോള്‍ ചാംപ്യന്‍മാരായി. 74 പോയിന്റ് നേടിയ ഹയാത്തുല്‍ ഇസ്‌ലാം മദ്രസ മേപ്പറമ്പ് രണ്ടാം സ്ഥാനം കരസ്ഥമാക്കി. മേപ്പറമ്പ് അശാഇറ മദ്രസ 60 പോയന്റോടെ മൂന്നാം സ്ഥാനത്തെത്തി. അശാഇറ വിദ്യാര്‍ഥി താനിഷ്, ഹുസൈനിയ്യ മഞ്ഞക്കുളം വിദ്യാര്‍ഥി യാസീന്‍ കെ എന്നിവര്‍ കലാപ്രതിപാ പട്ടം പങ്കിട്ടു. ഇന്ന് മര്‍ഹും പി.സി ഹംസമാസ്റ്റര്‍ നഗറില്‍ (മദ്രസത്തുല്‍ ജബല്‍ മെട്രോനഗര്‍) നടന്ന കലാമേളയുടെ തുടക്കം കുറിച്ച് പി.എം.എം.എസ്.എസ് പ്രസിഡന്റ് പി.എ ഗഫൂര്‍ പതാക ഉയര്‍ത്തി.
ജെ.യു.എ.സി എന്‍.എ ഹുസൈന്‍ മന്നാനി പ്രാര്‍ഥന നടത്തി. ആര്‍.ജെ.എം പാലക്കാട്് പ്രസിഡന്റ് എന്‍.എ സൈനുദ്ദീന്‍ അധ്യക്ഷനായി. എസ്.വൈ.എസ് വൈസ് പ്രസിഡന്റ് സയ്യിദ് പി.കെ ഇമ്പിച്ചിക്കോയതങ്ങള്‍ ഉദ്ഘാടനം ചെയ്തു. ടി.പി അബൂബക്കര്‍ മുസ്്‌ലിയാര്‍ മുഖ്യപ്രഭാഷണം നടത്തി. ആര്‍.ജെ.എം പാലക്കാട് സെക്രട്ടറി എം. റഷീദ് ഉലൂമി, പി.ടി ഹംസ ഫൈസി പ്രസംഗിച്ചു. വൈകീട്ട് നടന്ന സമാപന സമ്മേളനം അബ്ദുല്‍ മജീദ് ദാരിമി ഉദ്ഘാടനം ചെയ്തു.
ഇ.വി ഖാജാദാരിമി അധ്യക്ഷനായി. പി.കെ ഷമീര്‍ ഫൈസി ഒടമല മുഖ്യപ്രഭാഷണം നടത്തി. സുപ്രഭാതം ബ്യൂറോചീഫ് ഫൈസല്‍ കോങ്ങാട് സമ്മാനദാനം നിര്‍വഹിച്ചു. അഷ്‌റഫ് ഫൈസി, ടി.കെ സൈഫുദ്ദീന്‍ ഉലൂമി സംബന്ധിച്ചു.