എരുമപ്പെട്ടി: നായയെ ഇടിച്ച് നിയന്ത്രണം വിട്ട് മറിഞ്ഞ ഓട്ടോറിക്ഷയില്‍ ഇടിച്ച് ബൈക്ക് യാത്രക്കാരന് സാരമായി പരുക്കേറ്റു.എരുമപ്പെട്ടി മങ്ങാട് ചിറ്റണ്ട നെല്ലിക്കപറമ്പില്‍ കൃഷ്‌കുമാര്‍ മകന്‍ വിഷ്ണുവി(21) നാണ് പരുക്കേറ്റത്. വെള്ളറക്കാട് ദുബായി റോഡിന് സമീപം ഇന്നലെ രാവിലെയാണ് അപകടമുണ്ടായത്. കുന്നംകുളത്ത് നിന്ന് മീന്‍ കയറ്റി വന്നിരുന്ന ആപ ഓട്ടോറിക്ഷയാണ് കുറുകെ ഓടിയ തെരുവ് നായയെ ഇടിച്ച് റോഡില്‍ മറിഞ്ഞത്. ഈ സമയം എതിരേ വന്നിരുന്ന ബൈക്ക് മറിഞ്ഞ് വീണ പെട്ടി ഓട്ടോറിക്ഷയില്‍ ഇടിക്കുകയായിരുന്നു.തലക്കും താടിയെല്ലിനും സാരമായി പരുക്കേറ്റ ബൈക്ക് യാത്രക്കാരനെ നാട്ടുകാര്‍ ആദ്യം കുന്നംകുളത്തെ സ്വകാര്യ ആശുപത്രിയിലും പിന്നീട് വിദഗ്ധ ചികിത്സക്കായി അമല മെഡിക്കല്‍ കോളജിലേക്കും മാറ്റി. പെട്ടി ഓട്ടോറിക്ഷയിലെ ഡ്രൈവര്‍ നിസാര പരുക്കുകളോടെ രക്ഷപ്പെട്ടു.