കൊട്ടാരക്കര: കലയപുരത്ത് യുവതിയെ വീട്ടിനുള്ളില്‍ മരിച്ച നിലയില്‍ കണ്ടെത്തി. കലയപുരം അംബേദ്കര്‍ ഭാഗം കാര്യാട്ട് മലയില്‍ പുത്തന്‍വീട്ടില്‍ ഷാജിയുടെ ഭാര്യ സജോ (29) ആണ് മരിച്ചത്.
ഇന്നലെ ഉച്ചയോടെയായിരുന്നു സംഭവം. താനുമായി വഴക്കിട്ട ശേഷം മുറിയ്ക്കുള്ളില്‍ കയറി സജോ ആത്മഹത്യ ചെയ്തുവെന്നാണ് ഭര്‍ത്താവ് ഷാജി പൊലിസിന് മൊഴി നല്‍കിയത്. എന്നാല്‍ മരണത്തില്‍ സംശയമുണ്ടെന്ന് സജോയുടെ ബന്ധുക്കള്‍ ആരോപിച്ചതിനെ തുടര്‍ന്ന് ഷാജിയെ പൊലിസ് കസ്റ്റഡിയിലെടുത്തിട്ടുണ്ട്.
മൃതദേഹം പോസ്റ്റ് മോര്‍ട്ടത്തിനായി തിരുവനന്തപുരം മെഡിക്കല്‍ കോളേജ് ആശുപത്രിയിലേക്ക് മാറ്റി. പോസ്റ്റുമോര്‍ട്ടത്തിന് ശേഷമേ മരണ കാരണം വ്യക്തമാവുകയുള്ളുവെന്ന് പൊലിസ് പറഞ്ഞു. മക്കള്‍ : അലന്‍, അഭിന.