തിരുവനന്തപുരം: കേരള സ്റ്റേറ്റ് ടെയിലേഴ്‌സ് അസോസിയേഷന്റെ (കെ.എസ്.ടി.എ) ജില്ലാ വാര്‍ഷിക കണ്‍വെന്‍ഷന്‍ നാളെ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. കെ.എസ്.ടി.എ ജില്ലാ പ്രസിഡന്റ് പി .രാജന്റെ അധ്യക്ഷതയില്‍ നടക്കുന്ന കണ്‍വെന്‍ഷന്‍ വി.എസ് ശിവകുമാര്‍ എം.എല്‍.എ ഉദ്ഘാടനം ചെയ്യും. കോര്‍പറേഷന്‍ വികസനകാര്യ സ്റ്റാന്റിങ് കമ്മിറ്റി അധ്യക്ഷന്‍ വഞ്ചിയൂര്‍ ബാബു മുഖ്യപ്രഭാഷണം നടത്തും. ശക്തമായ പ്രക്ഷോഭങ്ങളിലൂടെ നേടിയ ക്ഷേമനിധി വിതരണം കാര്യക്ഷമമല്ലാതായെന്നും ഉള്ള ആനുകൂല്യങ്ങള്‍ തന്നെ കൃത്യമായി കിട്ടുന്നില്ലെന്നും അവര്‍ കുറ്റപ്പെടുത്തി.
വാര്‍ത്താസമ്മേളനത്തില്‍ സംസ്ഥാന ജനറല്‍സെക്രട്ടറി കെ.എന്‍ ദേവരാജന്‍, ജില്ലാ സെക്രട്ടറി വി രാജസേനന്‍ നായര്‍, എ.പി ഗോവിന്ദന്‍ തുടങ്ങിയവര്‍ പങ്കെടുത്തു.