നേമം: ജില്ലാ കാര്‍ഷികോല്‍പാദക വിപണന സഹകരണ സംഘത്തിന്റെ രണ്ടാമത്തെ സഹകരണ കാര്‍ഷിക വിപണി കല്ലിയൂര്‍ ഗ്രാമപഞ്ചായത്തിനു സമീപം ആര്‍. സുന്ദരേശന്‍ നായര്‍ ഉദ്ഘാടനം ചെയ്തു. കല്ലിയൂര്‍ ഗ്രാമപഞ്ചായത്ത് പ്രസിഡന്റ് ആര്‍. ജയലക്ഷ്മി അധ്യക്ഷയായി. ബ്ലോക്ക് മെമ്പര്‍ ജെ. ഗിരിജ, കല്ലിയൂര്‍ അഗ്രികള്‍ച്ചറല്‍ ഓഫിസര്‍ എസ്. ശ്രീകുമാരന്‍നായര്‍,  കല്ലിയൂര്‍ പഞ്ചായത്ത് വികസന കാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ശൈലജ സുരേഷ് ബാബു പങ്കെടുത്തു. സംഘം പ്രസിഡന്റ് വെണ്‍പകല്‍ രാജഗോപാല്‍ സ്വാഗതവും സെക്രട്ടറി യദു നന്ദിയും പറഞ്ഞു.