തൃശ്ശൂര്‍: സഹോദരിയെ കളിയാക്കിയതു ചോദ്യംചെയ്ത സഹോദരനെ കൊലപ്പെടുത്തിയ കേസിലെ പ്രതി ആത്മഹത്യയ്ക്കു ശ്രമിച്ചു. സംഭവത്തിനു ശേഷം ഒളിവിലായിരുന്ന പ്രതി മിഥുനാണ് കൈയിലെ ഞരമ്പു മുറിച്ച് ആത്മഹത്യയ്ക്കു ശ്രമിച്ചത്. പ്രതിയെ ആശുപത്രിയില്‍ പ്രവേശിപ്പിച്ചു.

കഴിഞ്ഞ ഞായറാഴ്ച വൈകിട്ടാണ് ഇരിങ്ങാലക്കുട ബസ് സ്റ്റാന്‍ഡിനു സമീപത്തുവച്ച് കൊരുമ്പിശേരി സ്വദേശി പുതുക്കാട്ടില്‍ സുജിത് വേണുഗോപാലിനു മര്‍ദ്ദനമേറ്റത്. ഇളയമ്മയുടെ മകളെ ശല്യം ചെയ്തത് ചോദ്യം ചെയ്തതില്‍ വൈരാഗ്യം പുലര്‍ത്തിയിരുന്ന മിഥുന്‍ സുജിത്തിനെ ക്രൂരമായി മര്‍ദ്ദിക്കുകയായിരുന്നു ഗുരുതരമായി പരുക്കേറ്റ സുജിത് പിന്നീട് ആശുപത്രിയില്‍വച്ചു മരിച്ചു.