തിരുവനന്തപുരം: ധനകാര്യ വകുപ്പില്‍ ഐ.ടി. സിസ്റ്റം വിഭാഗത്തില്‍ ഡയരക്ടറുടെ തസ്തികയില്‍ ഡെപ്യൂട്ടേഷന്‍ നിയമനത്തിന് അപേക്ഷ ക്ഷണിച്ചു. കേന്ദ്ര, സംസ്ഥാന, പൊതുമേഖല, സ്വയംഭരണ സ്ഥാപനങ്ങളില്‍ ജോലി ചെയ്യുന്നവര്‍ക്ക് അപേക്ഷിക്കാം.
കംപ്യൂട്ടര്‍ സയന്‍സ്, ഇലക്‌ട്രോണിക്‌സ്, ഇലക്ട്രിക്കല്‍ ആന്‍ഡ് ഇലക്‌ട്രോണിക്‌സില്‍ ബി.ടെക് അല്ലെങ്കില്‍ എം.സി.എ ബിരുദക്കാര്‍ക്കും കംപ്യൂട്ടര്‍ ആപ്ലിക്കേഷനില്‍ വൈദഗ്ധ്യത്തോടെ മറ്റു ബി. ടെക് ബിരുദമുള്ളവര്‍ക്കും അപേക്ഷിക്കാം. സോഫ്റ്റ്‌വെയര്‍ വികസനത്തിലോ ഡേറ്റാ പ്രോസസിങ്ങിലോ എട്ടുവര്‍ഷത്തെ പരിചയമുണ്ടാവണം.