അഹമ്മദാബാദ്: പോര്‍ബന്തറിലെ അനധികൃത ഖനനവുമായി ബന്ധപ്പെട്ട് 171 കോടി തിരിച്ചുപിടിക്കണമെന്ന് ആവശ്യപ്പെട്ട് ജില്ലാ അധികൃതര്‍ സമര്‍പ്പിച്ച സത്യവാങ്മൂലം ഗുജറാത്ത് ഹെക്കോടതി ഇന്ന് പരിഗണിക്കും.അനധികൃത ഖനനത്തെ സംബന്ധിച്ച് എടുത്ത തിരിച്ചുപിടിക്കല്‍ നടപടികളെ കുറിച്ച് ഗുജറാത്ത് ഹൈക്കോടതി ജഡ്ജ് ജസ്റ്റിസ് അനന്ദ് എസ് ദേവ് ജില്ല അധികൃതരോട് റിപ്പോര്‍ട്ട് സമര്‍പ്പിക്കാന്‍ ആവശ്യപ്പെട്ടതിന്റെ തുടര്‍ച്ചയായാണ് കലക്ടര്‍ ദിനേശ് പട്ടേല്‍ ഹൈക്കോടതിയില്‍ സത്യവാങ്മൂലം സമര്‍പ്പിച്ചത്.

കഴിഞ്ഞ വര്‍ഷം നവംബറില്‍ സത്യവാങ്മൂലത്തിലെ നിര്‍ദേശങ്ങള്‍ പുറപ്പെടുവിച്ചിരുന്നെങ്കിലും നിരന്തരമായ കലക്ടര്‍മാരുടെ സ്ഥലംമാറ്റമാണ് നിര്‍ദേശങ്ങള്‍ നടപ്പിലാക്കല്‍ നീണ്ടുപോകാന്‍ കാരണം.