കൊച്ചി: വിനോദസഞ്ചാരികള്‍ക്കു ലഹരിമരുന്നു വില്‍ക്കുന്ന മൂന്നു പേരെ കൊച്ചി സിറ്റി പൊലിസ് അറസ്റ്റ് ചെയ്തു. മലപ്പുറം ചങ്ങരംകുളം സ്വദേശി ജാബിര്‍ (25), പാവിട്ടപ്പുറം മാങ്കുളം സ്വദേശി കുമ്പിലവളപ്പില്‍ മുഹ്‌സിന്‍ (22), പെരിന്തല്‍മണ്ണ അറക്കപ്പറമ്പ് അന്‍ഷാദ് (26) എന്നിവരെയാണു ഷാഡോ പൊലിസ് അറസ്റ്റ് ചെയ്തത്. 72 ലഹരി സ്റ്റാംപുകള്‍ പിടിച്ചെടുത്തു. ഈറോഡിലെ സ്വകാര്യ കോളജില്‍ വിദ്യാര്‍ഥികളായ ഇവര്‍ ബംഗളൂരു, ഗോവ എന്നിവിടങ്ങളില്‍നിന്നു രാസലഹരി പദാര്‍ഥങ്ങള്‍ കൊച്ചിയിലെത്തിക്കുന്ന സംഘത്തിലെ കണ്ണികളാണ്. ഇതരസംസ്ഥാന സര്‍വീസ് നടത്തുന്ന സ്വകാര്യ ബസ്സുകളില്‍ എത്തിക്കുന്ന ലഹരി സ്റ്റാംപിന് 4,000 മുതല്‍ 5,000 രൂപ വരെ ഇവര്‍ ഈടാക്കിയിരുന്നു. അസി. കമ്മിഷണര്‍ ബിജി ജോര്‍ജ്, സി.ഐ അനന്തലാല്‍, എസ്.ഐ ഫൈസല്‍, സിവില്‍ പൊലിസ് ഓഫിസര്‍മാരായ അഫ്‌സല്‍, സാനുമോന്‍, വിശാല്‍, യൂസഫ്, രാഹുല്‍, സിനില്‍, ശ്യാം, അനില്‍ എന്നിവരാണു പ്രതികളെ പിടികൂടിയത്.