മൂവാറ്റുപുഴ: എല്‍.ഡി.എഫിന്റെ നേതൃത്വത്തില്‍ 18ന് നടക്കുന്ന രാജ്ഭവന്‍ മാര്‍ച്ചിനു മുന്നോടിയായി മൂവാറ്റുപുഴ മണ്ഡലം കമ്മിറ്റിയുടെ നേതൃത്വത്തിലുള്ള പ്രചരണ ജാഥക്ക് പൈങ്ങോട്ടൂരില്‍ തുടക്കമായി. ജാഥാക്യാപ്റ്റന്‍ മുന്‍ എം.എല്‍.എ ബാബു പോളിനെ ഹാരമണിയിച്ച് അനില്‍ കാഞ്ഞിലി ജാഥയുടെ ഉദ്ഘാടനം നിര്‍വഹിച്ചു. പൊതുസമ്മേളനം സി.പി.എം ജില്ലാ സെക്രട്ടറിയേറ്റ് അംഗം ജോണ്‍ ഫെര്‍ണാണ്ടസ് എം.എല്‍.എ ഉദ്ഘാടനം ചെയ്തു.  മേജോ ജോര്‍ജ് അധ്യക്ഷത വഹിച്ചു. എല്‍ദോ എബ്രഹാം എം.എല്‍.എ, അഡ്വ.എ.എ.അന്‍ഷാദ്, കെ.പി.രാമചന്ദ്രന്‍, എന്‍.അരുണ്‍, എ.വി.സുരേഷ്, ഷാജി മുഹമ്മദ്, പി.കെ.ബാബു രാജ്, ടി.എം.ഹാരിസ്, വില്‍സണ്‍ ഇല്ലിക്കല്‍, റ്റി.ഇ.പൈലി, സന്തോഷ് ജോര്‍ജ് എന്നിവര്‍ പ്രസംഗിച്ചു.