ജിദ്ദ: മദീനയടക്കം സഊദിയിലെ വിവിധ പ്രധാന മാളുകളില്‍ സുരക്ഷ ശക്തമാക്കുന്നു. ഇതിന്റെ ഭാഗമായി ഫുഡ് കോര്‍ട്ടുകള്‍ക്കും കുട്ടികള്‍ക്കുള്ള ഗെയിമുകളും, റൈഡുകളും ക്രമീകരിച്ചിരിക്കുന്ന ഇടങ്ങളിലും മറ്റും സംവിധാനം ഏര്‍പെടുത്തി. മാളിനകത്ത് നിരോധിച്ചിട്ടുള്ള വസ്തുക്കളായ കത്തി, നെയില്‍ കട്ടര്‍, മുനയുള്ള മറ്റുപകരണങ്ങള്‍ എന്നിവ ആരുടേയും കൈവശമില്ലെന്ന് ഉറപ്പാക്കാന്‍ അധികൃതര്‍ പ്രത്യേകം ശ്രദ്ധിക്കുന്നുണ്ട്. സ്ത്രീകളുടെ പേഴ്‌സുകളും മറ്റും പരിശോധിക്കുന്നതിനായി കൂടുതല്‍ വനിതാ സ്റ്റാഫിനെ ജോലിക്കെടുത്തിട്ടുണ്ട്.
സുരക്ഷാക്രമീകരണങ്ങളോട് എല്ലാവരും നല്ലരീതിയിലാണ് പ്രതികരിക്കുന്നതെന്നും, എതിര്‍പ്പില്ലാതെ സഹകരിക്കുന്നതായും അധികൃതര്‍ അറിയിച്ചു.
മോഷണവും മറ്റും അധികരിച്ചതിന്റെ അടിസ്ഥാനത്തിലാണ് നടപടി.