കൊച്ചി: നടി ആക്രമിക്കപ്പെട്ട കേസില്‍ സി.സി.ടി.വി ദൃശ്യങ്ങള്‍ നടന്‍ ദിലീപിന് കൈമാറി. നടിയുമായി വാഹനം കടന്നുപോയ വഴിയിലെ ആറു സി.സി.ടി.വി ദൃശ്യങ്ങളാണ് കോടതിയുടെ നിര്‍ദേശപ്രകാരം പൊലിസ് കൈമാറിയത്.
ഇതോടൊപ്പം രണ്ടു പ്രതികളുടെ മൊബൈല്‍ ഫോണുകളുടെ ഫോറന്‍സിക് പരിശോധനാ റിപ്പോര്‍ട്ടും മുഖ്യപ്രതി പള്‍സര്‍ സുനി അന്വേഷണ ഉദ്യോഗസ്ഥനു നല്‍കിയ കുറ്റസമ്മത മൊഴിയുടെ ശബ്ദരേഖയുടെ പകര്‍പ്പും കൈമാറിയിട്ടുണ്ട്. അങ്കമാലി മജിസ്‌ട്രേറ്റ് കോടതിയുടെ ഉത്തരവിനെ തുടര്‍ന്നാണ് പ്രോസിക്യൂഷന്‍ തെളിവുകള്‍ കൈമാറാന്‍ തയാറായത്.