കോഴിക്കോട്: സമസ്തയുടെ ഇംഗ്ലീഷ് മീഡിയം സ്‌കൂളുകളുടെ പ്രവര്‍ത്തനം ഏകീകരിക്കുന്നതിന്റെ ഭാഗമായി രൂപീകരിച്ച അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിട്യൂഷന്‍സ് (അസ്മി) സോണല്‍ മീറ്റ് മലപ്പുറത്തും കോഴിക്കോട്ടുമായി നടക്കും.
മലപ്പുറം, തൃശൂര്‍, എറണാകുളം, പാലക്കാട്, കൊല്ലം, കോട്ടയം, ഇടുക്കി, പത്തനംതിട്ട, ആലപ്പുഴ,തിരുവനന്തപുരം എന്നി ജില്ലകള്‍ക്കായി സംഘടിപ്പിക്കുന്ന ഇംഗ്ലീഷ് മീഡിയം സ്‌കൂള്‍ മാനേജ്‌മെന്റ് പ്രതിനിധികളുടെ സോണല്‍ മീറ്റ് ഫെബ്രുവരി 25ന് രാവിലെ 11 മണിക്ക് മലപ്പുറം സുന്നി മഹല്ലില്‍ വച്ച് നടക്കും. അസ്മി പ്രസിഡന്റ് പാണക്കാട് അബ്ബാസലി ശിഹാബ് തങ്ങള്‍, ഹാജി പി.മമ്മദ് ഫൈസി, അബ്ദുസ്സമദ് പൂക്കോട്ടൂര്‍, കെ.മോയിന്‍കുട്ടി മാസ്റ്റര്‍, പി.കെ മുഹമ്മദ്, കെ.കെ.എസ് തങ്ങള്‍, പി.വി മുഹമ്മദ് മൗലവി, സലാം ഫൈസി ഒളവട്ടൂര്‍, അഡ്വ.ആരിഫ് തുടങ്ങിവയര്‍ സംബന്ധിക്കും. അസ്മി ഓണ്‍ ട്രാക്ക് എന്ന വിഷയത്തില്‍ റഷീദ് കമ്പളക്കാടും ഇഫക്റ്റീവ് മാനേജ്‌മെന്റ് എന്ന വിഷയത്തില്‍ ഡോ.മുസ്തഫയും ക്ലാസെടുക്കും.
കോഴിക്കോട്, കണ്ണൂര്‍, കാസര്‍കോട്, വയനാട്, മംഗലാപുരം, നീലഗിരി, കൊടക് ജില്ലകളുടെ സോണല്‍ മീറ്റ് ഫെബ്രുവരി 28ന് രാവിലെ 11 മണിക്ക് കോഴിക്കോട് സമസ്ത ഓഡിറ്റോറിയത്തില്‍ നടക്കും. സമസ്ത ജന.സെക്രട്ടറി പ്രാഫസര്‍ കെ.ആലിക്കുട്ടി മുസ്‌ലിയാര്‍, കലിക്കറ്റ് സര്‍വകലാശാല വൈസ് ചാന്‍സലര്‍ കെ.മുഹമ്മദ് ബഷീര്‍, ഉമര്‍ ഫൈസി മുക്കം, എം.സി മായിന്‍ഹാജി, മുസ്തഫ മുണ്ടുപാറ, വി.സി ഇഖ്ബാല്‍ നാദാപുരം, ഒ.കെ.എം കുട്ടി ഉമരി, നവാസ് ഓമശ്ശേരി സംബന്ധിക്കും. അസ്മി ഓണ്‍ ട്രാക്ക് എന്ന വിഷയത്തില്‍ ഷാഹുല്‍ ഹമീദ് മേല്‍മുറിയും ഇഫക്റ്റീവ് മാനേജ്‌മെന്റ് എന്ന വിഷയത്തില്‍ റഹീം ചുഴലിയും ക്ലാസെടുക്കും. വിശദ വിവരങ്ങള്‍ക്ക് ബന്ധപ്പെടുക: 9847741444, 9847332214.