ദോഹ: എസ്.കെ.എസ്.എസ്.എഫ് ഖത്തര്‍ കോഴിക്കോട് ജില്ലാ കമ്മിറ്റി സംഘടിപ്പിച്ച സര്‍ഗലയം സമാപിച്ചു. നാല്‍പതോളമിനങ്ങളില്‍ ജൂനിയര്‍ സീനിയര്‍ വിഭാഗങ്ങളിലാണ് ഇസ്‌ലാമിക കലാമല്‍സരങ്ങള്‍ നടന്നത്.
മുഹമ്മദ് റയ്യാന്‍, റസീന്‍ അബ്ദുസ്സലാം(ഇരുവരും ജൂനിയര്‍), മുഹമ്മദ് നബീഹ് (സീനിയര്‍) എന്നിവര്‍ കലാപ്രതിഭകളായി. രാവിലെ ഒന്‍പതു മുതല്‍ ആരംഭിച്ച സര്‍ഗലയം മുഹമ്മദലി ഖാസിമി അമ്മിനിക്കാട് ഉദ്ഘാടനം ചെയ്തു.
മുനീര്‍ ഹുദവി സംസാരിച്ചു. ഫൈസല്‍ വാഫി, റഫീഖ് മാങ്ങാട്ട്, മുഹമ്മദ് നദവി, സാലിഹ് ഹുദവി, ഫൈസല്‍ നിയാസ് ഹുദവി, റഷീദ് ചേലക്കാട് എന്നിവര്‍ പരിപാടി നിയന്ത്രിച്ചു.
ജനറല്‍ സെക്രട്ടറി അബ്ദുല്‍ സത്താര്‍ കുട്ടോത്ത് സ്വാഗതവും, ആരിഫ് ചാലില്‍ നന്ദിയും പറഞ്ഞു.