അരീക്കോട്: അരീക്കോട് ഗ്രാമപഞ്ചായത്തിലെ താഴത്തങ്ങാടി വാര്‍ഡില്‍ ഉപതെരഞ്ഞെടുപ്പ് നാളെ നടക്കും. വാര്‍ഡംഗമായിരുന്ന അഡ്വ. സി. വാസു പബ്ലിക് പ്രോസിക്യൂട്ടറായതിനെ തുടര്‍ന്ന് രാജിവച്ച ഒഴിവിലേക്കാണ് തെരഞ്ഞെടുപ്പ്.
യു.ഡി.എഫിനുവേണ്ടി ദലിത് ലീഗ് മണ്ഡലം സെക്രട്ടറിയും മുന്‍ പഞ്ചായത്തംഗവുമായ എന്‍.എം രാജനും എല്‍.ഡി.എഫ് സ്ഥാനാര്‍ഥിയായി കെ. രതീഷുമാണ് ജനവിധി തേടുന്നത്. നാളെ രാവിലെ ഏഴു മുതല്‍ വൈകിട്ട് അഞ്ചു വരെയാണ് വോട്ടെടുപ്പ്. താഴത്തങ്ങാടി ഗവ. മാപ്പിള എല്‍.പി സ്‌കൂളില്‍ രണ്ടു ബൂത്തുകളാണ് 1,136 വോട്ടര്‍മാര്‍ക്കായി ഒരുക്കിയിരിക്കുന്നത്. വാര്‍ഡ് നിലവില്‍വന്ന ശേഷം ഇവിടെ എല്‍.ഡി.എഫ് മാത്രമാണ് ജയിച്ചിട്ടുള്ളത്.