റയ്പൂര്‍: ഛത്തസ്ഖഡിലെ സുക്മ ജില്ലയില്‍ മാവോവാദികളുമായുണ്ടായ ഏറ്റുമുട്ടലില്‍ രണ്ട് സുരക്ഷാ ഉദ്യോഗസ്ഥര്‍ കൊല്ലപ്പെട്ടു. ആറു പേര്‍ക്ക് പരുക്കേറ്റു. അസിസ്റ്റന്റ് കോണ്‍സ്റ്റബിള്‍മാരായ മാഡ്കം ഹണ്ട, മുകേഷ് കഡ്തി എന്നിവരാണ് കൊല്ലപ്പെട്ടത്. ഏറ്റുമുട്ടല്‍ തുടരുകയാണെന്ന് പൊലിസ് അറിയിച്ചു.
ബേജി പൊലിസ് സ്റ്റേഷന് കീഴിലെ വനഭാഗത്താണ്് ഏറ്റുമുട്ടല്‍ നടന്നത്. മാവോവാദി സ്വാധീനമുള്ള ഇവിടെ സ്‌പെഷല്‍ ടാസ്‌ക് ഫോഴ്‌സ്, ജില്ലാ റിസര്‍വ് ഗാര്‍ഡ്, പൊലിസ് എന്നിവയുടെ സംയുക്ത ഓപറേഷനിടെയാണ് അക്രമണമുണ്ടായതെന്ന് തെക്കന്‍ ബസ്തര്‍ ഡി.ഐ.ജി സുന്ദര രാജ് പറഞ്ഞു.