തിരുവനന്തപുരം: ഈ വേനല്‍ക്കാലത്ത് സംസ്ഥാനത്ത് പവര്‍കട്ടും ലോഡ്‌ഷെഡിങും ഉണ്ടാവില്ലെന്ന് വൈദ്യുതി മന്ത്രി എം.എം മണി. ഇതിനു വേണ്ട മുന്‍കരുതലുകള്‍ എടുക്കാനും ശക്തമായ നടപടി സ്വീകരിക്കാനും വൈദ്യുതി ബോര്‍ഡിനും ഉദ്യോഗസ്ഥര്‍ക്കും നിര്‍ദേശം നല്‍കിയിട്ടുണ്ടെന്നും അദ്ദേഹം പറഞ്ഞു.
ഇടത് സര്‍ക്കാരിന്റെ പ്രഖ്യാപിത നയങ്ങളിലൊന്നാണ് പവര്‍കട്ടും ലോഡ്‌ഷെഡിങും ഇല്ലാത്ത കേരളം. കഴിഞ്ഞ സര്‍ക്കാരിന്റെ കാലത്ത് നിര്‍മാണം നിര്‍ത്തിവയ്ക്കപ്പെട്ട എല്ലാ വൈദ്യുതി ഉല്‍പാദന പദ്ധതികളും തടസ്സങ്ങള്‍ നീക്കി നിര്‍മാണം പുനരാരംഭിക്കാനും യുദ്ധകാലാടിസ്ഥാനത്തില്‍ പണി പൂര്‍ത്തീകരിക്കാനുമുള്ള നടപടികള്‍ സ്വീകരിച്ചിട്ടുണ്ടെന്നും മന്ത്രി പറഞ്ഞു.