ചേളാരി: സമസ്ത കേരള സുന്നി ബാലവേദി സംസ്ഥാന കമ്മിറ്റി 'കരുതിവയ്ക്കാം ജീവന്റെ തുള്ളികള്‍ നാളെക്കായ്' എന്ന പ്രമേയത്തില്‍ സംഘടിപ്പിക്കുന്ന ജലദിന കാംപയിന്‍ 22 മുതല്‍ മെയ് പത്ത് വരെ നടക്കും. യൂനിറ്റ് തലങ്ങളില്‍ തണ്ണീര്‍പന്തല്‍, ബോധവല്‍ക്കരണം, ജലസംരക്ഷണ പ്രതിജ്ഞ, സെമിനാറുകള്‍, പോസ്റ്റര്‍ പ്രദര്‍ശനം, കുടിവെള്ള വിതരണം എന്നിവ നടക്കും. ജലസംരക്ഷണത്തിന്റെ പ്രാധാന്യവും അനിവാര്യതയും മദ്‌റസ വിദ്യാര്‍ഥികളിലും അതുവഴി സമൂഹത്തിലും പ്രചരിപ്പിക്കുകയാണ് ജലദിന കാംപയിനിന്റെ ഉദ്ദേശമെന്നും പരിപാടി വന്‍വിജയമാക്കാന്‍ പ്രവര്‍ത്തകര്‍ കര്‍മ രംഗത്ത് ഇറങ്ങണമെന്നും സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍, ജന. സെക്രട്ടറി അഫ്‌സല്‍ രാമന്തളി, ട്രഷറര്‍ ഫുആദ് വെള്ളിമാട്കുന്ന് എന്നിവര്‍ അഭ്യര്‍ഥിച്ചു.