കൊച്ചി:കണ്ണൂർ മട്ടന്നൂരിൽ യൂത്ത് കോൺഗ്രസ് പ്രവർത്തകൻ ഷുഹൈബ് കൊല്ലപ്പെട്ട കേസിൽ രൂക്ഷ വിമർശനവുമായി ഹൈക്കോടതി.

കേസില്‍ അന്വേഷണം ഫലപ്രദമല്ലെന്ന് ഹൈക്കോടതി വാക്കാല്‍ നിരീക്ഷിച്ചു. പ്രതിയെ കൈയ്യില്‍ കിട്ടിയിട്ടും ആയുധം കണ്ടെത്താന്‍ കഴിഞ്ഞില്ല. ആരാണ് ഇതിനു പിന്നിലെന്ന് എല്ലാവര്‍ക്കും അറിയാം. രാഷ്ട്രീയകൊലപാതകങ്ങള്‍ അവസാനിപ്പിക്കണമെന്നും കോടതി പറഞ്ഞു.

അതേസമയം, ശുഹൈബ് വധക്കേസില്‍ അന്വേഷണം ഏറ്റെടുക്കാന്‍ തയ്യാറാണെന്ന സി.ബി.ഐ കോടതിയെ അറിയിച്ചു. കോടതി പറഞ്ഞാല്‍ അന്വേഷണം നടത്താന്‍ എതിര്‍പ്പില്ലെന്നും അഭിഭാഷകന്‍ പറഞ്ഞു.

സി.ബി.ഐ അന്വേഷണം നടത്തണമെന്നാവശ്യപ്പെട്ട് ശുഹൈബിന്റെ മാതാപിതാക്കള്‍ നല്‍കിയ ഹരജിയിലാണ് സി.ബി.ഐ കോടതിയെ നിലപാട് അറിയിച്ചത്.