വൈപ്പിന്‍: എസ്.വൈ.എസ് വൈപ്പിന്‍ മണ്ഡലത്തിന്റെ ആഭിമുഖ്യത്തില്‍ തംഹീദ് 1439 ആമില ശില്‍പശാല നടത്തി. എടവനക്കാട് കൂട്ടുങ്ങല്‍ ചിറ തര്‍ബിയത്തുല്‍ ഇസ്‌ലാം മദ്്‌റസയില്‍ രാവിലെ മുതല്‍ വൈകിട്ടുവരെയായിരുന്നു ശില്‍പശാല. രാവിലെ എസ്.വൈ.എസ് സംസ്ഥാന കമ്മിറ്റിയംഗം കെ.ഇ അഷറഫ് ഹാജി പതാക ഉയര്‍ത്തി. ഫാത്തിഹ പാരായണവും ശ്രേഷ്ഠതയും അല്‍ഹാഫിള്‍ അബ്ദുല്‍ റഹ്മാന്‍ അന്‍വരി നിര്‍വഹിച്ചു. തുടര്‍ന്ന് വിവിധ വിഷയങ്ങളില്‍ ക്‌ളാസുകള്‍ നടന്നു.
എസ്.വൈ.എസ് ജില്ലാ ജനറല്‍ സെക്രട്ടറി അബ്ദു റഹ്മാന്‍ കുട്ടി, പ്രസിഡന്റ് എന്‍.കെ മുഹമ്മദ് ഫൈസി, സീനിയര്‍ റിസോഴ്‌സ് പേഴ്‌സണ്‍ കെ.എസ് പരീത് കുഞ്ഞ്, അബ്ദുല്‍ മജീദ് മാസ്റ്റര്‍, വൈപ്പിന്‍ മണ്ഡലം പ്രസിഡന്റ് പി.എച്ച് അബുബക്കര്‍ എന്നിവര്‍ ആദ്യ സെഷനില്‍ സംസാരിച്ചു. രണ്ടാം സെഷനില്‍ കെ.എ ആസിഫ് മാസ്റ്റര്‍, എറണാകുളം സെന്‍ട്രല്‍ മസ്ജിദ് ചീഫ് ഇമാം മുനീര്‍ ഹുദവി, ജില്ലാ ആമില അമീര്‍ എ.എ മുഹമ്മദ് അനസ് ബാഖവി, അബുബക്കര്‍ ഖാസിമി, ആര്‍.ജെ.എം വൈപ്പിന്‍ പ്രസിഡന്റ് സയ്യിദ് കാസിം കോയ തങ്ങള്‍ എന്നിവര്‍ സംസാരിച്ചു. സമാപന ദുആക്ക് കൂട്ടുങ്ങല്‍ ചിറ സാലിം മസ്ജിദ് ഇമാം ഉബൈദ് ബദ്‌രി നേതൃത്വം നല്‍കി.