എടപ്പാള്‍: കടകശ്ശേരി ഐഡിയല്‍ കോളജ് ഫോര്‍ അഡ്വാന്‍സ്ഡ് സ്റ്റഡീസിലെ കമ്പ്യൂട്ടര്‍ സയന്‍സ് വിഭാഗം സംഘടിപ്പിച്ച 'ടെക്വസ്റ്റ് 1.8 ' ഇന്റര്‍ കോളജിയേറ്റ് ശില്‍പശാല സമാപിച്ചു.
ഇലക്ട്രോണിക് മാലിന്യങ്ങള്‍ പരമാവധി കുറക്കുക, കുറഞ്ഞ ഊര്‍ജ ഉപഭോഗം ശീലമാക്കുക തുടങ്ങിയ ലക്ഷ്യവുമായി പ്രവര്‍ത്തിക്കുന്ന ഹരിത കമ്പ്യൂട്ടിംഗിന്റെയും സ്വതന്ത്ര സോഫ്റ്റ് വെയര്‍ പ്രസ്ഥാനത്തിന്റെയും പ്രചരണാര്‍ഥമാണ് രണ്ട് ദിവസത്തെ ശില്‍പശാല സംഘടിപ്പിച്ചത്. ശില്‍പശാല ഐഡിയല്‍ മാനേജര്‍ മജീദ് ഐഡിയല്‍ ഉദ്ഘാടനം ചെയ്തു. കോളജ് പ്രിന്‍സിപ്പല്‍ പ്രൊഫ.കോയക്കുട്ടി അധ്യക്ഷനായി.
കോമേഴ്‌സ് വിഭാഗം മേധാവി പ്രൊഫസര്‍ മൊയ്തീന്‍ കുട്ടി,ഇംഗ്ലീഷ് വിഭാഗം മേധാവി പ്രൊഫ.അബ്ദുള്‍ അലി, കമ്പ്യൂട്ടര്‍ സയന്‍സ് വിഭാഗം മേധാവി എസ് സുധീഷ്, അഭിലാഷ് ശങ്കര്‍,എം.ടി.ബാബു,അശ്വതി അരവിന്ദന്‍ സംസാരിച്ചു.