പടിഞ്ഞാറങ്ങാടി: ഇങ്ങനെയുള്ള യുവാക്കളെയാണ് നാടിനും നാട്ടാര്‍ക്കും ആവശ്യം. പറക്കുളം നെഹ്‌റു യുവകേന്ദ്രയുടെ ആഭിമുഖ്യത്തില്‍ പറക്കുളം യുവശക്തി ആര്‍ട്‌സ് ആന്റ് സ്‌പോര്‍ട്‌സ് ക്ലബ്ബിന്റെ സഹകരണത്തോടെയാണ് ചേക്കോട് പെരിങ്കണ്ണൂര്‍ പഞ്ചായത്ത് കുളം യുവാക്കള്‍ വൃത്തിയാക്കിയത്.
ചേക്കോട് മേഖലയിലെ നൂറോളം കുടുംബങ്ങള്‍ കുളിക്കാനും, അലക്കാനും കാര്‍ഷിക ആവശ്യങ്ങള്‍ക്കും, മറ്റുമായി ഉപയോഗിക്കുന്ന ഒരേയൊരു കുളം കൂടിയാണ് ഈ കുളം.
നേരത്തെ യുവശക്തി ക്ലബിന്റെ നേതൃത്വത്തില്‍ കുളം വൃത്തിയാക്കിയിരുന്നെങ്കിലും എല്ലാവരും കൂടി അണി നിരന്നതോടെ കുളം പൂര്‍ണമായും വൃത്തിയാക്കാന്‍ കഴിഞ്ഞു.
ക്ലബ്ബ് ഭാരവാഹികളും നാട്ടുകാരും ശുചീകരണ പ്രവര്‍ത്തനങ്ങള്‍ക്ക് നേതൃത്വം നല്‍കി.