മനാമ: രാജ്യത്തെ മതേതര ശക്തികള്‍ ഒരുമിച്ചു നിന്നാല്‍ കോണ്‍ഗ്രസ് നേതൃത്വത്തിലുള്ള മുന്നണിക്ക് വീണ്ടും അധികാരത്തില്‍ തിരിച്ചെത്താന്‍ കഴിയുമെന്നും അടുത്തിടെയുണ്ടായ തിരഞ്ഞെടുപ്പ് ഫലങ്ങള്‍ അതാണ് വ്യക്തമാക്കുന്നതെന്നും പാലക്കാട് ജില്ലാ മുസ്ലിംലീഗ് ജനറല്‍ സെക്രട്ടറി മരക്കാര്‍ മാരായമംഗലം ബഹ്‌റൈനില്‍ അഭിപ്രായപ്പെട്ടു.

ബഹ്‌റൈന്‍ കെ.എം.സി.സി. സംസ്ഥാന കമ്മിറ്റിയുടെ സഹകരണത്തോടെ പാലക്കാട് ജില്ലാ കമ്മിറ്റി മനാമയില്‍ സംഘടിപ്പിച്ച സ്വീകരണ യോഗത്തില്‍ 'ഇന്ത്യന്‍ സാഹചര്യവും, ലോകസഭാ തിരഞ്ഞെടുപ്പും' എന്ന വിഷയത്തില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം

ചടങ്ങ് സംസ്ഥാന മുസ്ലിം ലീഗ് ജനറല്‍ സെക്രട്ടറി കെ.പി.എ.മജീദ് ഉദ്ഘാടനം ചെയ്തു റഫീക്ക് തോട്ടക്കര അധ്യക്ഷത വഹിച്ചു. കെ.എം.സി.സി സംസ്ഥാന പ്രസിഡന്റ് എസ്.വി.ജലീല്‍ ആശംസകള്‍ നേര്‍ന്നു. അസൈനാര്‍ കളത്തിങ്കല്‍, എസ്.എം. അബ്ദുല്‍വാഹിദ്, ചെമ്പന്‍ ജലാല്‍, സല്‍മാനുല്‍ ഫാരിസ്, ഗഫൂര്‍ കൈപ്പമംഗലം, റസാഖ് മൂഴിക്കല്‍, കുട്ടുസ മുണ്ടേരി, സി.കെ അബ്ദുറഹ്മാന്‍ വി.എച്.അബ്ദുല്ല, ടി.പി.മുഹമ്മദലി, അബ്ദുറഹ്മാന്‍ വല്ലപ്പുഴ, മൊയ്ദീന്‍കുട്ടി കൊണ്ടോട്ടി, പി.വി.സിദ്ധീഖ്, കെ.പി.മുസ്തഫ, കൂടാതെ മറ്റു ജില്ലാ ഏരിയ ഭാരവാഹികളും, നേതാക്കളും, സംബന്ധിച്ചു.

പാലക്കാട് ജില്ലാ കെ.എം.സി.സി. ഭാരവാഹികളായ നിസാമുദ്ധീന്‍ മാരായമംഗലം, സി.പി.മുഹമ്മദാലി പൊട്ടച്ചിറ, ഷഫീഖ് കുമരനെല്ലൂര്‍, വി.വി.ഹാരിസ് തൃത്താല, മാസില്‍ പട്ടാമ്പി, ആഷിഖ് മേഴത്തൂര്‍, അന്‍വര്‍ കുമ്പിടി എന്നിവര്‍ പരിപാടികള്‍ക്ക് നേതൃത്വം നല്‍കി ശറഫുദ്ധീന്‍ മാരായമംഗലം സ്വാഗതവും, ഫിറോസ് ബാബു പട്ടാമ്പി നന്ദിയും പറഞ്ഞു.