മഞ്ചേരി: പുറത്തൂര്‍ പടിഞ്ഞാറേക്കരയില്‍   ദമ്പതിമാരെ ആക്രമിച്ച കേസില്‍ രണ്ടുപ്രതികള്‍ക്ക് മൂന്നുവര്‍ഷം തടവും 15000 രൂപ പിഴയും വിധിച്ചു. തിരൂര്‍ കൂട്ടായി കുഞ്ഞീന്‍കടവത്ത് ജംഷീര്‍ (30), ഈസ്പാടത്ത് സഫീര്‍ (31) എന്നിവര്‍ക്കാണ്  മഞ്ചേരി ഒന്നാംഅഡീഷണല്‍ സെക്ഷന്‍സ് കോടതി ജഡ്ജി കെ.പി സുധീര്‍ ശിക്ഷ വിധിച്ചത്.  പരപ്പനങ്ങാടി സ്വദേശികളായ ദമ്പതികള്‍ കടല്‍ കാണാനെത്തിയപ്പോഴാണ് ആക്രമണത്തിനിരകയായത്. 2009 സെപ്തംബര്‍ 22 ന് വൈകീട്ടാണ് സംഭവം. യുവതിയെ കടന്നുപിടിക്കാന്‍ ശ്രമിക്കുകയും തടയാന്‍ ശ്രമിച്ച ഭര്‍ത്താവിനെ പിടിച്ചുവച്ചശേഷം ഇരുമ്പുപൈപ്പുകൊണ്ട് തലക്കടിക്കുകയും ചെയ്തു. 12 സാക്ഷികളില്‍ ഒന്‍പതുപേരെ  വിസ്തരിച്ചു. ഒന്‍പതുരേഖകളും കോടതി മുന്‍പാകെ ഹാജരാക്കി.