ചിറയിന്‍കീഴ്: സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രെഫ. കെ.ആലിക്കുട്ടി മുസ്‌ലിയാര്‍, സുന്നി യുവജന സംഘം സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ എന്നിവര്‍ പ്രമുഖ മതപ്രഭാഷകന്‍ ചിറയിന്‍കീഴ് നൗഷാദ് ബാഖവിയുടെ വസതിയിലെത്തി അദ്ദേഹത്തെയും കുടുംബാഗങ്ങളെയും സന്ദര്‍ശിച്ച് അനുശോചനം അറിയിച്ചു. മരണപ്പെട്ട ബാഖവിയുടെ മകനുവേണ്ടി പ്രാര്‍ഥനക്ക് നേതൃത്വം നല്‍കുകയും ചെയ്തു. സമസ്തയുടെയും പോഷകസംഘടനകളുടെയും നേതാക്കളായ വിഴിഞ്ഞം സെയ്തു മുസ്‌ലിയാര്‍, നസീര്‍ഖാന്‍ ഫൈസി, ആലങ്കോട് ഹസന്‍, പ്രെഫ. തോന്നയ്ക്കല്‍ ജമാല്‍, കബീര്‍ ദാരിമി, ഷനവാസ് മാസ്റ്റര്‍ അഹമ്മദ് റിഷാദി, ഹാരൂണ്‍ വള്ളക്കടവ്, ഹര്‍ഷുദ്ദീന്‍ മുസ്‌ളിയാര്‍, ഇരട്ടകലുങ്ങ് ഹുസൈന്‍ മുസ്‌ലിയാര്‍, സാജുദ്ദീന്‍, ചിറയിന്‍കീഴ് അന്‍സാര്‍, താഹ നെടുമങ്ങാട് തുടങ്ങിയവര്‍ ഒപ്പമുണ്ടായിരുന്നു.