റിയാദ്: സഊദിയിലെ കിഴക്കന്‍ പ്രവിശ്യയിലെ അവാമിയ പ്രദേശത്ത് ഭീകരാക്രമണം നടത്തിയ കേസില്‍ പ്രതിയായ സഊദി പൗരന് പ്രത്യേക കോടതി വധശിക്ഷ വിധിച്ചു. സുരക്ഷാ ഭടന്മാരെ വധിക്കുന്നതിന് മറ്റു ഭീകരര്‍ക്കൊപ്പം ചേര്‍ന്ന് അവാമിയ പൊലിസ് സ്റ്റേഷനും ചെക്ക് പോയിന്റുകള്‍ക്കും നേരെ നിറയൊഴിച്ച കേസിലാണ് വിധി.
രഹസ്യ പൊലിസ് പട്രോള്‍ വാഹനമാണെന്ന് ധരിച്ച് സാധാരണക്കാരായ രണ്ടുപേരുടെ വാഹനങ്ങള്‍ക്കു നേരെയും ഭീകരന്‍ നിറയൊഴിച്ചിരുന്നു. വിവിധ ഘട്ടങ്ങളില്‍ നടന്ന ആക്രമണങ്ങളില്‍ റോഡില്‍ തീയിട്ട് ഗതാഗതം തടസപ്പെടുത്തല്‍, ദേശവിരുദ്ധ പ്രകടനങ്ങളില്‍ പങ്കെടുക്കല്‍, ആയുധ പരിശീലനം എന്നീ കേസുകളിലും ഇദ്ദേഹം പ്രതിയാണെന്ന് കോടതി നിരീക്ഷിച്ചു.