HOME
DETAILS

ആര്‍.ടി ഓഫിസ് പരപ്പയില്‍ തന്നെയാകും

  
backup
March 22 2018 | 04:03 AM

%e0%b4%86%e0%b4%b0%e0%b5%8d%e2%80%8d-%e0%b4%9f%e0%b4%bf-%e0%b4%93%e0%b4%ab%e0%b4%bf%e0%b4%b8%e0%b5%8d-%e0%b4%aa%e0%b4%b0%e0%b4%aa%e0%b5%8d%e0%b4%aa%e0%b4%af%e0%b4%bf%e0%b4%b2%e0%b5%8d%e2%80%8d

 

പരപ്പ: വെള്ളരിക്കുണ്ട് താലൂക്കില്‍ പുതുതായി അനുവദിച്ച ആര്‍.ടി ഓഫിസ് പരപ്പയിലാവാന്‍ സാധ്യത തെളിഞ്ഞു. ഇക്കാര്യത്തില്‍ ഭരണകക്ഷിയിലെ പ്രധാന പാര്‍ട്ടികളായ സി.പി.എമ്മിനും സി.പി.ഐക്കുമുള്ളില്‍ ധാരണയായി. അടുത്ത ദിവസം ചേരുന്ന എല്‍.ഡി.എഫ് കാഞ്ഞങ്ങാട് മണ്ഡലം കമ്മിറ്റി യോഗത്തില്‍ അന്തിമ തീരുമാനമെടുക്കുന്നതോടെ ഓഫിസിന്റെ പ്രവര്‍ത്തനം പരപ്പയില്‍ ആരംഭിക്കും.
ആര്‍.ടി.ഒ ഓഫിസ് പരപ്പയിലായിരിക്കണം സ്ഥാപിക്കുന്നതെന്ന് സി.പി.എം നീലേശ്വരം ഏരിയാ കമ്മിറ്റി യോഗം തീരുമാനിച്ചിരുന്നു. ഇതിനു ജില്ലാ കമ്മിറ്റിയുടെ പിന്തുണയും ഉറപ്പാക്കിയിരുന്നു. എന്നാല്‍ സി.പി.ഐയില്‍ ഇതു സംബന്ധിച്ച് ആശയക്കുഴപ്പം നിലനിന്നിരുന്നു. ഓഫിസ് വെള്ളരിക്കുണ്ടില്‍ സ്ഥാപിക്കണമെന്നായിരുന്നു ഒരു വിഭാഗത്തിന്റെ വാദം. ഇന്നലെ ചേര്‍ന്ന സി.പി.ഐയുടെ പരപ്പ മണ്ഡലം കമ്മിറ്റി യോഗത്തില്‍ ഇക്കാര്യം ചര്‍ച്ചയായി. ഒടുവില്‍ ഓഫിസ് പരപ്പയില്‍ സ്ഥാപിക്കണമെന്ന ആവശ്യം അംഗീകരിക്കപ്പെടുകയായിരുന്നു. ഇതോടെ എല്‍.ഡി.എഫ് യോഗത്തിന് ഇക്കാര്യത്തിന് അന്തിമ അനുമതി നല്‍കേണ്ട ചുമതല മാത്രമായി.
ആര്‍.ടി.ഒ ഓഫിസിന് അനുയോജ്യമായ സ്ഥലം മുന്‍പു തന്നെ പരപ്പയില്‍ കണ്ടെത്തിയിരുന്നു. എന്നാല്‍ ചിലരുടെ ഇടപെടലിനെ തുടര്‍ന്നു വെള്ളരിക്കുണ്ടിലേക്കു മാറ്റാനുള്ള ശ്രമം നടന്നിരുന്നു. അതിനെതിരേ ശക്തമായ പ്രതിഷേധവും ഉയര്‍ന്നു വന്നിരുന്നു. ഇക്കാര്യം കഴിഞ്ഞ ദിവസം 'സുപ്രഭാതം' റിപ്പോര്‍ട്ട് ചെയ്തിരുന്നു. ജില്ലയിലെ മൂന്നാമത്തെ ആര്‍.ടി ഓഫിസാണ് പരപ്പയില്‍ വരാന്‍ പോകുന്നത്.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."