കണ്ണൂര്‍: കണ്ണൂര്‍ സര്‍വകലാശാലയുടെ പുതിയ പ്രോ വൈസ് ചാന്‍സലര്‍ ആയി ഡോ. പി.ടി രവീന്ദ്രന്‍ നിയമിതനായി. കണ്ണൂര്‍ യൂനിവേഴ്‌സിറ്റിയുടെ തലശ്ശേരി പാലയാട് കാംപസ് മാനേജ്‌മെന്റ് സ്റ്റഡീസ് വകുപ്പ് മേധാവിയായിരുന്നു. നിലവില്‍ അദ്ദേഹം കണ്ണൂര്‍ സര്‍വകലാശാല സിന്‍ഡിക്കേറ്റ് അംഗവും, കോമേഴ്‌സ് ആന്‍ഡ് മാനേജ്‌മെന്റ് സ്റ്റഡീസ് ഡീന്‍, യു.ജി.സി.യുടെ ഹ്യൂമണ്‍ റിസോഴ്‌സസ് സെന്റര്‍ ഡയറക്ടര്‍, കണ്ണൂര്‍ സര്‍വകലാശാല ഇന്റര്‍നാഷനല്‍ അക്കാദമിക്ക് ഡയറക്ടര്‍, സിവില്‍ സര്‍വിസസ് ട്രെയിനിങ് ഇന്‍സ്റ്റിറ്റ്യൂട്ടിന്റെ ഹോണററി ഡയറക്ടര്‍ എന്നീ സ്ഥാനങ്ങള്‍ വഹിക്കുന്നുണ്ട്.
കാലിക്കറ്റ് സര്‍വകലാശാലയില്‍ നിന്ന് ഒന്നാം റാങ്കോടെ എം.കോം ബിരുദം നേടിയ ശേഷം മദ്രാസ് യൂനിവേഴ്‌സിറ്റിയില്‍ നിന്നും എം.ഫില്‍, കാലിക്കറ്റ് യൂനിവേഴ്‌സിറ്റിയില്‍ നിന്നും പി.എച്ച്.ഡി (ബിസിനസ്സ് മാനേജ്‌മെന്റ്), അളഗപ്പ യൂനിവേഴ്‌സിറ്റിയില്‍ നിന്നും എം.ബി.എ ബിരുദം എന്നിവ നേടി. നിലവില്‍ കണ്ണൂര്‍ സര്‍വകലാശാലയില്‍ പ്രോ വൈസ് ചാന്‍സലറായിരുന്ന ഡോ. ടി. അശോകനെ ഗവര്‍ണര്‍ തിങ്കളാഴ്ച നീക്കിയിരുന്നു.