HOME
DETAILS

ദേശീയ പണിമുടക്ക്: പ്രചാരണ ജാഥകള്‍ നാളെ

  
backup
March 30 2018 | 04:03 AM

%e0%b4%a6%e0%b5%87%e0%b4%b6%e0%b5%80%e0%b4%af-%e0%b4%aa%e0%b4%a3%e0%b4%bf%e0%b4%ae%e0%b5%81%e0%b4%9f%e0%b4%95%e0%b5%8d%e0%b4%95%e0%b5%8d-%e0%b4%aa%e0%b5%8d%e0%b4%b0%e0%b4%9a%e0%b4%be%e0%b4%b0

 

കണ്ണൂര്‍: സ്ഥിരം തൊഴില്‍ ഇല്ലാതാക്കുന്ന കേന്ദ്ര സര്‍ക്കാരിന്റെ ഉത്തരവിനെതിരേ ഏപ്രില്‍ രണ്ടിന് നടക്കുന്ന പണിമുടക്കിന്റെ പ്രചാരണാര്‍ഥം ബി.എം.എസ് ഒഴികെയുള്ള സംഘടനകള്‍ ഉള്‍ക്കൊള്ളുന്ന ട്രേഡ് യൂനിയന്‍ സംയുക്ത സമിതിയുടെ ആഭിമുഖ്യത്തില്‍ ജില്ലയിലെ 18 മേഖലകളെ അടിസ്ഥാനപ്പെടുത്തി നാളെ പ്രചാരണ വാഹനജാഥ സംഘടിപ്പിക്കും. 18 ജാഥകള്‍ 200 കേന്ദ്രങ്ങളില്‍ പണിമുടക്കിനാധാരമായ കാര്യങ്ങള്‍ വിശദീകരിക്കും. ഏപ്രില്‍ ഒന്നിന് പ്രാദേശികമായി പന്തം കൊളുത്തി പ്രകടനം സംഘടിപ്പിക്കും. രണ്ടിന് പണിമുടക്കിയ തൊഴിലാളികള്‍ കേന്ദ്രസര്‍ക്കാര്‍ ഓഫിസുകളിലേക്കും പ്രധാന കേന്ദ്രങ്ങളിലും മാര്‍ച്ച് നടത്തും. മുഴുവന്‍ തൊഴിലാളികളും പണിമുടക്കണമെന്നും വാഹനങ്ങള്‍ റോഡിലിറക്കാതെയും കടകമ്പോളങ്ങള്‍ അടച്ചിട്ടും മുഴുവന്‍ ആളുകളും പ്രതിഷേധത്തില്‍ പങ്കാളികളാവണമെന്നും സംയുക്തസമിതി ഭാരവാഹികള്‍ ആവശ്യപ്പെട്ടു. മാധ്യമങ്ങള്‍, ആശുപത്രി, ശുദ്ധജലവിതരണം, വിവാഹം, പാല്‍ വിതരണം എന്നിവരെ പണിമുടക്കില്‍നിന്നു ഒഴിവാക്കിയിട്ടുണ്ട്. വാര്‍ത്താസമ്മേളനത്തില്‍ സി.ഐ.ടി.യു സംസ്ഥാന സെക്രട്ടറി കെ.പി സഹദേവന്‍, എസ്.ടി.യു നേതാവ് എം.എ കരീം, എ.ഐ.ടി.യു.സി ജില്ലാ ജനറല്‍ സെക്രട്ടറി സി.പി സന്തോഷ് കുമാര്‍, സംയുക്ത സമിതി ചെയര്‍മാന്‍ വി.വി ശശീന്ദ്രന്‍, കണ്‍വീനര്‍ കെ. മനോഹരന്‍, കെ. ബാലകൃഷ്ണന്‍, എം.കെ ജയരാജ് പങ്കെടുത്തു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."