മുംബൈ: ഭാണ്ഡൂപ്പ് (വെസ്റ്റ്) മേഖലയിൽ ബഹുനില കെട്ടിടത്തിന്റെ ടെറസിൽ നിന്ന് 15 വയസ്സുള്ള പെൺകുട്ടിയെ തള്ളിയിട്ട് കൊലപ്പെടുത്തിയ സംഭവത്തിൽ പ്രായപൂർത്തിയാകാത്ത ആൺകുട്ടിക്കെതിരെ പൊലീസ് കേസെടുത്തു. കഴിഞ്ഞ ജൂൺ 24-ന് വൈകുന്നേരം 6 മണിയോടെയാണ്  ദാരുണ സംഭവം നടന്നത്. മുളുന്ദ് സ്വദേശിനിയായ പെൺകുട്ടി തന്റെ സുഹൃത്തിനെ കാണാൻ ഭാണ്ഡൂപ്പിലെ മൂന്ന് നില കെട്ടിടത്തിലെത്തിയതായിരുന്നു. പെൺകുട്ടിയും ആൺകുട്ടിയും തമ്മിൽ എന്തോ കാര്യത്തെച്ചൊല്ലി തർക്കമുണ്ടാവുകയും തർക്കം മൂർച്ഛിച്ചതോടെ, ദേഷ്യത്തിൽ ആൺകുട്ടി പെൺകുട്ടിയെ ടെറസിൽ നിന്ന് തള്ളിയിടുകയായിരുന്നു. 32-ാം നിലയിലെ ടെറസിൽ നിന്ന് വീണ പെൺകുട്ടി സംഭവസ്ഥലത്ത് തന്നെ മരിച്ചു. ആൺകുട്ടി എ വിംഗിൽ താമസിക്കുന്നയാളാണ്. എന്നാൽ, പെൺകുട്ടിയോടൊപ്പം അവൻ ഡി വിംഗിലേക്ക് പോയി. ഇരുവരും ലിഫ്റ്റ് വഴി 32-ാം നിലയിലെ ടെറസിലെത്തി. അവിടെ വച്ചാണ് തർക്കവും തുടർന്നുള്ള ദാരുണ സംഭവവും നടന്നത്, പൊലീസ് അറിയിച്ചു.

പെൺകുട്ടിക്ക് പഠനവുമായി ബന്ധപ്പെട്ട ആശങ്കകൾ ഉണ്ടായിരുന്നുവെന്നും അവൾ ആത്മഹത്യ ചെയ്തതാണെന്നും ആൺകുട്ടി പൊലീസിനോട് വാദിച്ചിരുന്നു. എന്നാൽ, സിസിടിവി ദൃശ്യങ്ങളും സാഹചര്യ തെളിവുകളും പരിശോധിച്ചതിന്റെ അടിസ്ഥാനത്തിൽ, തർക്കത്തെ തുടർന്ന് ആൺകുട്ടി പെൺകുട്ടിയെ തള്ളിയിട്ടതാണെന്ന് പൊലീസ് സ്ഥിരീകരിക്കുകയായിരുന്നു.

കെട്ടിടത്തിലെ സുരക്ഷാ ജീവനക്കാരനും മറ്റുള്ളവരും ഭാണ്ഡൂപ്പ് പൊലീസ് സ്റ്റേഷനിൽ അറിയിക്കുകയായിരുന്നു. തുടക്കത്തിൽ അപകട മരണമായി രജിസ്റ്റർ ചെയ്ത കേസ്, പിന്നീട് നടത്തിയ അന്വേഷണത്തിൽ കൊലപാതകമാണെന്ന് വ്യക്തമായതോടെ ആൺകുട്ടിക്കെതിരെ കേസെടുക്കുകയായിരുന്നു. മരിച്ച പെൺകുട്ടി പഠനത്തിൽ മികവ് പുലർത്തിയിരുന്നതായും കുടുംബം ആവശ്യപ്പെട്ടതനുസരിച്ച് കേസ് വിശദമായി അന്വേഷിക്കുമെന്നും പൊലീസ് അറിയിച്ചു.

In Mumbai's Bhandup (West), a 15-year-old girl was allegedly pushed to her death from the terrace of a multi-storey building by a minor boy on June 24. The incident occurred after an argument between the two, who were friends. Initially claimed as a suicide, police investigations, backed by CCTV footage and circumstantial evidence, confirmed the boy pushed her, leading to a case being filed against him.