HOME
DETAILS

മത്സ്യങ്ങള്‍ കൂട്ടത്തോടെ ചത്തുപൊങ്ങി

  
backup
March 30 2018 | 06:03 AM

%e0%b4%ae%e0%b4%a4%e0%b5%8d%e0%b4%b8%e0%b5%8d%e0%b4%af%e0%b4%99%e0%b5%8d%e0%b4%99%e0%b4%b3%e0%b5%8d%e2%80%8d-%e0%b4%95%e0%b5%82%e0%b4%9f%e0%b5%8d%e0%b4%9f%e0%b4%a4%e0%b5%8d%e0%b4%a4%e0%b5%8b%e0%b4%9f

 

പറവൂര്‍: ചാലക്കുടിപുഴ ഒഴുകിവന്ന് പെരിയാറില്‍ സംഗമിക്കുന്ന പുത്തന്‍വേലിക്കര ഗ്രാമപഞ്ചായത്തിലെ കണക്കന്‍കടവ് പുഴയില്‍ മത്സ്യങ്ങള്‍ കൂട്ടത്തോടെ ചത്തുപൊങ്ങി. പഞ്ചായത്തിലേക്ക് കുടിവെള്ളം പമ്പ് ചെയ്യുന്ന ഭാഗത്താണ് മത്സ്യങ്ങള്‍ ചത്തുപൊങ്ങിയത്. കണക്കന്‍കടവ് റഗുലേറ്റര്‍ കം ബ്രിഡ്ജിന് സമീപം ചാലക്കുടി പുഴയുടെ ഭാഗത്ത് വെള്ളത്തിന് നിറവ്യത്യാസമുണ്ട്. തോടി ഇനത്തില്‍പ്പെട്ട മത്സ്യങ്ങളാണ് ചത്ത് പൊങ്ങിയിട്ടുള്ളത്.
സംസ്ഥാന പൊല്യൂഷന്‍ കണ്‍ട്രോള്‍ ബോര്‍ഡ് അധികൃതര്‍ സ്ഥലത്തെത്തി വെള്ളത്തിന്റെ സാമ്പിള്‍ ശേഖരിച്ചിട്ടുണ്ട്.കാതിക്കുടത്ത് പ്രവര്‍ത്തിക്കുന്ന കമ്പനിയില്‍ നിന്നുള്ള രാസമാലിന്യം പുഴയിലേക്ക് ഒഴുകിയതാകാം കാരണമെന്നാണ് നാട്ടുകാരുടെ അഭിപ്രായം.
ചാലക്കുടി പുഴയിലെ വെള്ളമാണ് പുത്തന്‍വേലിക്കരക്കാര്‍ക്ക് കുടിവെള്ളത്തിനും കൃഷിക്കും ഉപയോഗപ്പെടുന്നത്. മത്സ്യങ്ങള്‍ ചത്തുപൊങ്ങുന്നതും വെള്ളത്തിന്റെ നിറവ്യത്യാസവും ഉള്‍നാടന്‍ മത്സ്യത്തൊഴിലാളികളില്‍ ആശങ്കയ്ക്കിടയാക്കിയിട്ടുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."