പത്തനംതിട്ട: അര്‍ധരാത്രി വീടിനു പുറത്തിറങ്ങിയ മധ്യവയസ്‌കയെ പീഡിപ്പിക്കാന്‍ ശ്രമിച്ച ഇതരസംസ്ഥാന തൊഴിലാളി കോന്നിയില്‍ പിടിയില്‍. മെഡിക്കല്‍ കോളജ് നിര്‍മാണത്തിനെത്തിയ പശ്ചിമ ബംഗാള്‍ ബൈഡിയപൂര് ജില്ലക്കാരനായ ക്രോദീബ് (23) ആണ് പിടിയിലായത്. വ്യാഴാഴ്ച അര്‍ധരാത്രിയോടെയാണ് സംഭവം. കോന്നിയിലെ പുതിയ മെഡിക്കല്‍ കോളജ് നിര്‍മാണത്തിന് എത്തിയതാണ് ക്രോദീബ്. നിര്‍മാണ ജോലികള്‍ നടന്നുവരുന്ന നെടുമ്പാറയിലെ വീട്ടില്‍ താമസിക്കുന്ന അന്‍പതുകാരിയായ വീട്ടമ്മയെയാണ് ഇയാള്‍ പീഡിപ്പിക്കാന്‍ ശ്രമിച്ചത്. ആക്രമണത്തിനിരയായ മധ്യവയസ്‌കയെ താലൂക്കാശുപത്രിയില്‍ എത്തിച്ചെങ്കിലും പിന്നീട് പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു.