ഇസ്‌ലാമാബാദ്: ഇന്ത്യ ഉപയോഗിക്കുന്ന റഷ്യന്‍ നിര്‍മിത ആയുധങ്ങള്‍ വാങ്ങാന്‍ പാകിസ്താന്റെ നീക്കം. ഇന്ത്യന്‍ സൈന്യത്തിന്റെ ശേഖരത്തിലുള്ള യുദ്ധ വിമാനങ്ങള്‍, യുദ്ധ ടാങ്കുകള്‍ അടക്കമുള്ള ആയുധങ്ങളാണ് പാകിസ്താന്‍ റഷ്യയില്‍നിന്ന് സ്വന്തമാക്കാനിരിക്കുന്നത്. പാക് പ്രതിരോധമന്ത്രി ഖുറം ദസ്തഗീര്‍ ഖാന്‍ റഷ്യന്‍ വാര്‍ത്താ ഏജന്‍സിയായ സ്പുട്‌നിക്കിനു നല്‍കിയ അഭിമുഖത്തിലാണ് ഇക്കാര്യം വെളിപ്പെടുത്തിയത്. ഇന്ത്യന്‍ സൈന്യം ഉപയോഗിക്കുന്ന ടി-90 യുദ്ധടാങ്കുകള്‍, 2016ല്‍ റഷ്യയുമായി ഇന്ത്യ കരാറൊപ്പിട്ട എസ്-400 മിസൈല്‍വേധ സംവിധാനം എന്നിവയാണ് ഇതില്‍ ഏറ്റവും പ്രധാനം.