കൊച്ചി: കത്‌വ പെണ്‍കുട്ടിക്കെതിരെ നടന്ന ക്രൂരമായ പീഡനക്കൊലയെ ന്യായീകരിച്ചും വിദ്വേഷം പരത്തിയും ഫെയ്‌സ്ബുക്കില്‍ പോസ്റ്റിട്ട വിഷ്ണു നന്ദകുമാറിനെതിരെ പരാതി. എറണാകുളം നെട്ടൂര്‍ സ്വദേശി വിഷ്ണുവിനെതിരെ കെ.എസ്.യുവാണ് കമ്മീഷണര്‍ക്ക് പരാതി നല്‍കിയത്.

സമൂഹത്തില്‍ ഭിന്നതയുണ്ടാക്കി വര്‍ഗ്ഗീയ കലാപം നടത്താന്‍ ശ്രമിച്ചെന്ന് പരാതിയില്‍ പറയുന്നു. പെണ്‍കുട്ടിയ്ക്ക് എതിരെ സോഷ്യന്‍ മീഡിയയില്‍ കഴിഞ്ഞ ദിവസമാണ് വിഷ്ണു അപകീര്‍ത്തികരമായ പരാമര്‍ശം നടത്തിയത്.