ചാലിയം: നാടന്‍ പാട്ടുകളിലൂടെയും നാടകക്കളരിയിലൂടെയും ചിരിച്ചും കളിച്ചും രസിച്ചും അനുഭവങ്ങള്‍ പങ്കുവച്ചും കുട്ടികള്‍ക്ക് നാടിന്റെ വെളിച്ചമായി പ്രതിഭാ ക്യാംപ്.
ഗണിതവും ഭാഷയും ശാസ്ത്രവും കുട്ടികള്‍ക്ക് ആസ്വാദനത്തിന്റെ വഴികള്‍ തുറക്കുകയായിരുന്നു. കോഴിക്കോട് ബി.ആര്‍.സിയുടെ നേതൃത്വത്തില്‍ ചാലിയം ഗവ. ഫിഷറീസ് എല്‍.പി സ്‌കൂളില്‍ നടന്ന കടലുണ്ടി പഞ്ചായത്ത് പ്രതിഭാ കേന്ദ്രം ക്യാംപാണ് കുട്ടികള്‍ക്ക് വേറിട്ട അനുഭവമായത്.
ത്രിദിന ക്യാംപ് കടലുണ്ടി പഞ്ചായത്ത് വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ പിലാക്കാട്ട് ഷണ്‍മുഖന്‍ ഉദ്ഘാടനം ചെയ്തു.
പ്രധാനാധ്യാപകന്‍ എന്‍ ബഷീര്‍ അധ്യക്ഷനായി. വിവിധ സെഷനുകളില്‍ കെ. അഭിജിത്ത്, എന്‍. ജിജിബാല ,കെ ടി ഷെരീഫ, കെ ടി അനിത, സ്റ്റെല്ല മാര്‍ഗരറ്റ് ക്ലാസെടുത്തു . പഞ്ചായത്ത് അഗം സി. ആയിഷാബീവി, പി.ടി.എ പ്രസിഡന്റ് വി. ജമാല്‍ , ബി.പി.ഒ കെ.പി സ്റ്റിവി, ട്രെയ്‌നര്‍ കെ. അനൂബ് കുമാര്‍, കോഡിനേറ്റര്‍ കെ. സതീ, സ്റ്റാഫ് സെക്രട്ടറി എ. അബ്ദുള്‍ റഹീം, പ്രതിഭാ കേന്ദ്രം വളണ്ടിയര്‍ വി. നിഷ, കണ്‍വീനര്‍ സി.എം ഷാഗി പ്രസംഗിച്ചു.