കണ്ണൂര്‍: സമസ്ത നൂറാം വാര്‍ഷികത്തിലേക്ക് എന്ന പ്രമേയത്തില്‍ നടക്കുന്ന ആദര്‍ശ കാംപയിനിന്റെ ഭാഗമായി കണ്ണൂര്‍, കോഴിക്കോട്, വയനാട്, കൊടക് ജില്ലകളിലെ 5,000 പ്രതിനിധികള്‍ ഉള്‍ക്കൊള്ളുന്ന ഉത്തരമേഖലാ സമ്മേളനം നാളെ രാവിലെ ഒന്‍പതിന് തലശ്ശേരി മുനിസിപ്പല്‍ ടൗണ്‍ ഹാളില്‍ നടക്കും. ഉമര്‍കോയ തങ്ങള്‍ പ്രാര്‍ഥന നടത്തും. സ്വാഗതസംഘം ചെയര്‍മാന്‍ പി.പി ഉമ്മര്‍ മുസ്‌ലിയാര്‍ കൊയ്യോടിന്റെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
പി.കെ.പി അബ്ദുസ്സലാം മുസ്‌ലിയാര്‍ അനുഗ്രഹ പ്രഭാഷണം നടത്തും. കെ.ടി.ഹംസ മുസ്‌ലിയാര്‍, എ.വി അബ്ദുറഹിമാന്‍ മുസ്‌ലിയാര്‍, എം.എം അബ്ദുല്ല ഫൈസി, കെ.പി മുഹമ്മദ് മുസ്‌ലിയാര്‍ പ്രസംഗിക്കും. അബ്ദുസ്സമദ് പൂക്കോട്ടൂര്‍ (സമസ്ത, നൂറാം വാര്‍ഷികം), അബ്ദുല്‍ ഹമീദ് ഫൈസി അമ്പലക്കടവ് (അഹ്‌ലുസ്സുന്ന:) വിഷയം അവതരിപ്പിക്കും. ഉച്ചയ്ക്ക് രണ്ടിന് രണ്ടാം സെഷന്‍ സമസ്ത അജയ്യമാണ് എന്ന വിഷയത്തില്‍ സെമിനാര്‍ നടക്കും. ഉമ്മര്‍ ഫൈസി മുക്കത്തിന്റെ അധ്യക്ഷതയില്‍ മാണിയൂര്‍ അഹമ്മദ് മുസ്‌ലിയാര്‍ ഉദ്ഘാടനം ചെയ്യും. എം.പി മുസ്തഫല്‍ ഫൈസി, പിണങ്ങോട് അബൂബക്കര്‍, സത്താര്‍ പന്തല്ലൂര്‍ പ്രഭാഷണം നടത്തും.
സമ്മേളനം വിജയിപ്പിക്കാന്‍ സമസ്ത പ്രസിഡന്റ്് സയ്യിദ് മുഹമ്മദ് ജിഫ്‌രി മുത്തക്കോയ തങ്ങളും. ജന. സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാരും സ്വാഗതസംഘം ചെയര്‍മാന്‍ കൊയ്യോട് ഉമ്മര്‍ മുസ്‌ലിയാരും ജന. കണ്‍വീനര്‍ നാസര്‍ ഫൈസി കൂടത്തായിയും അഭ്യര്‍ഥിച്ചു.