വാഷിങ്ടണ്‍: ഇന്ത്യയില്‍ സ്ത്രീകളുടെ സുരക്ഷ ഉറപ്പു വരുത്താന്‍ പ്രധാനമന്ത്രി നരേന്ദ്ര മോദിക്ക് ഐ.എം.എഫ് (രാജ്യാന്തര നാണയ നിധി) മേധാവി ക്രിസ്റ്റീന ലഗാര്‍ഡിന്റെ ഉപദേശം. കത്‌വയില്‍ എട്ടു വയസ്സുകാരിയെ ക്രൂരമായി ബലാത്സംഗം ചെയ്ത സംഭവത്തെ കുറിച്ചായിരുന്നു ക്രിസ്റ്റീനയുടെ പരാമര്‍ശം.

ഇന്ത്യയില്‍ സംഭവിക്കുന്ന കാര്യങ്ങള്‍ വെറുപ്പുളവാക്കുന്നതാണ്. പ്രധാനമന്ത്രിയുള്‍പെടെയുള്ള ഇന്ത്യന്‍ അധികാര കേന്ദ്രങ്ങള്‍ കൂടുതല്‍ ശ്രദ്ധ നല്‍കുമെന്നാണ് പ്രതീക്ഷിക്കുന്നത്. കാരണം അത് ഇന്ത്യയിലെ സ്ത്രീകള്‍ക്ക് ആവശ്യമാണ്- അവര്‍ പറഞ്ഞു. ഇത് തന്റെ വ്യക്തിപരമായ അഭിപ്രയമാണെന്നും ഐ.എം.എഫിന്റേതല്ലെന്നും അവര്‍ കൂട്ടിച്ചേര്‍ത്തു.

ഇത് രണ്ടാം തവണയാണ് ക്രിസ്റ്റീന മോദിയുടെ ഇന്ത്യന്‍ സ്ത്രികളെ കുറിച്ച് ഉണര്‍ത്തുന്നത്. നാലു മാസം ദേവോസില്‍ നടന്ന ഉച്ചകോടിക്കിടെയായിരുന്നു ആദ്യത്തെ പരാമര്‍ശം.