പറവൂര്‍: ബി.ജെ.പി പ്രവര്‍ത്തകര്‍ ഹര്‍ത്താല്‍ ദിനത്തില്‍ പറവൂര്‍ നഗരസഭയില്‍ അതിക്രമിച്ച് കയറി പൊതുമുതല്‍ നശിപ്പിക്കുകയും നഗരസഭ ജീവനക്കാരെയും വനിത കൗണ്‍സിലറെയും മര്‍ദിച്ചവരെ അറസ്റ്റ് ചെയ്യാത്തതില്‍ പ്രതിഷേധിച്ച് മുനിസിപ്പല്‍ ചെയര്‍മാന്‍ രമേഷ് ഡി. കറുപ്പിന്റെ നേതൃത്വത്തില്‍ കോണ്‍ഗ്രസ് കൗണ്‍സിലര്‍മാര്‍ പറവൂര്‍ പൊലിസ് സ്റ്റേഷനില്‍ കുത്തിയിരിപ്പ് സമരം നടത്തി.
പ്രതികളെ അറസ്റ്റ് ചെയ്യാത്തതിന്റെ പ്രതിഷേധം അറിയിക്കാനായിരുന്ന ജനപ്രതിനിധികള്‍ പൊലിസ് സ്റ്റേഷനിലെത്തിയത്. അകത്ത് കയറുവാന്‍ അനുവദിച്ചില്ല. ഇതില്‍ പ്രതിഷേധിച്ചായിരുന്നു കത്തിയിരിപ്പ് സമരം.
പ്രതിഷേധംശക്തമായതിനെ തുടര്‍ന്ന് പറവൂര്‍ സ്റ്റേഷന്‍ ചാര്‍ജുള്ള വടക്കേക്കര സി.ഐ മുരളി സ്റ്റേഷനിലെത്തി നടത്തിയ ചര്‍ച്ചയില്‍ അടിയന്തിരമായി കുറ്റക്കാര്‍ക്കെതിരെ നടപടി സ്വീകരിക്കാമെന്ന ഉറപ്പിന്‍മേല്‍ സമരം അവസാനിപ്പിക്കുകയായിരുന്നു.
ചെയര്‍മാനെ കൂടാതെവൈസ് ചെയര്‍മാന്‍ ജെസി രാജു. ഡി.രാജ് കുമാര്‍, ഡെന്നീ തോമസ്, , പ്രദീപ് തോപ്പില്‍ , സജി നമ്പിയത്ത്,വി.എ.പ്രഭാവതി, ജലജ രവീന്ദ്രന്‍, രാജേഷ് പുക്കാടന്‍, ഷീബ പ്രതാപന്‍, ആശാ ദേവദാസ് , മിനി ഷിബു.ജിന്‍സി ജി ബു എന്നിവര്‍ സമരത്തില്‍ പങ്കെടുത്തു.