വണ്‍പ്ലസിന്റെ ഫഌഗ്ഷിപ്പ് സ്മാര്‍ട്‌ഫോണായ വണ്‍പ്ലസ് 6 നെക്കുറിച്ച് കേള്‍ക്കാന്‍ തുടങ്ങിയിട്ട് നാളുകളേറെയായി. ഇനി കാത്തിരിപ്പുകള്‍ക്ക് വിരമമിടാം. ഉടന്‍തന്നെ ഈ സ്മാര്‍ട്‌ഫോണ്‍ ഇന്ത്യയിലെത്തുമെന്നാണ് അറിയുന്നത്.

കരുത്തിന്റെയും വേഗതയുടെയും കാര്യത്തില്‍ നിലവിലുള്ള ഏതൊരു ഫ്‌ലാഗ്ഷിപ്പ് ഫോണിനും വെല്ലുവിളിയാകുമെന്ന കാര്യം ഉറപ്പാണ്.

സ്‌നാപ്ഡ്രാഗണ്‍ 845 സിപിയു കരുത്ത് പകരുന്ന മോഡല്‍ 8ജിബി റാം, 256ജിബി ഫോണ്‍ മെമ്മറി എന്നീ സവിശേഷതകളോടെയാണ് എത്തുന്നത്.

നേരത്തെ തന്നെ ഈ സ്മാര്‍ട്‌ഫോണിന്റെ ചിത്രം ഓണ്‍ലൈനില്‍ ലീക്കായിരുന്നു. കാഴ്ച്ചയില്‍ ഒപ്പോ ആര്‍15 ന് സമാനമാണ് വണ്‍പ്ലസ് 6.

2280x1080 പിക്‌സെല്‍ റെസല്യൂഷനോട് കൂടിയ 6.28 ഇഞ്ച് ഫുള്‍ എച്ച്ഡി ഡിസ്‌പ്ലേയാണ് വണ്‍പ്ലസ് 6ല്‍ ഉണ്ടാവുകയെന്നാണ് റിപ്പോര്‍ട്ടുകള്‍. 6ജി.ബി, 8ജി.ബി മോഡലുകളുണ്ടാകും. 3450എം.എ.എച്ചാണ് ബാറ്ററിയുടെ കരുത്ത്.