ചെര്‍ക്കള: ദേശീയപാതയില്‍ ബേവിഞ്ച സ്റ്റാര്‍നഗറില്‍ ലോറികള്‍ കൂട്ടിയിടിച്ചു.
  ഒരു ലോറിയുടെ ഡീസല്‍ ടാങ്ക് തകര്‍ന്ന് റോഡില്‍ ഡീസലൊഴുകിയതിനെ തുടര്‍ന്ന് ഒരു ണിക്കൂറോളം ഗതാഗതം തടസ്സപ്പെട്ടു. ഇന്നലെ രാവിലെ എട്ടരയോടെയാണ് സംഭവം.
  ഫയര്‍ഫോഴ്‌സെത്തി വെള്ളം ചീറ്റി പാത അപകട രഹിതമാക്കിയ ശേഷമാണ് ഗതാഗതം പുന:സ്ഥാപിച്ചത്.
    കോട്ടയത്തുനിന്നു മംഗളൂരുവിലേയ്ക്ക് കോപ്പര്‍ സള്‍ഫേറ്റ് കയറ്റി പോവുകയായിരുന്ന ലോറിയും പൊയ്‌നാച്ചിയിലേയ്ക്കു മണലുമായി പോവുകയായിരുന്ന ലോറിയുമാണ് സ്റ്റാര്‍ നഗറിലെ യു ടേണിംഗില്‍ കൂട്ടിയിടിച്ചത്.
 അപകടത്തില്‍ കോട്ടയത്തു നിന്നുള്ള ലോറിയുടെ ഡിസല്‍ ടാങ്കാണ് തകര്‍ന്നത്. വിവരമറിഞ്ഞ് വിദ്യാനഗര്‍ എസ്.ഐ അജിത് കുമാറിന്റെ നേതൃത്വത്തില്‍ പൊലീസെത്തി സ്ഥിതി ഗതികള്‍ നിയന്ത്രിച്ചു.
  അപകടത്തെ തുടര്‍ന്ന് കാഞ്ഞങ്ങാട് നിന്നും കാസര്‍കോട്ടേക്കുള്ള ബസുകള്‍ ദേളി പരവനടുക്കം വഴി കാസര്‍കോട്ടേക്ക് വഴിതിരിച്ചു വിട്ടു.