പാനൂര്‍: വിദ്യാര്‍ഥിയെ പ്രകൃതി വിരുദ്ധമായി പീഡിപ്പിച്ച കേസില്‍ നാലു പേരെ പൊലിസ് അറസ്റ്റ് ചെയ്തു. പാനൂര്‍ ടൗണിലെ സ്‌കൂളില്‍ പത്താം ക്ലാസില്‍ പഠിക്കുന്ന ആണ്‍കുട്ടിയുടെ പിതാവ് പാനൂര്‍ പൊലിസിനു നല്‍കിയ പരാതിയെ തുടര്‍ന്നാണ് നാലു പേരെയും പിടികൂടിയത്.  
പെരിങ്ങത്തൂരിലെ പറമ്പത്ത് റിയാസ് (38), തെക്കെ പാനൂരിലെ കുനിയില്‍ അബൂബക്കര്‍ (60), മാക്കൂല്‍ പിടികയിലെ കുഞ്ഞിപറമ്പത്ത് മൂസ്സ അബ്ദുള്ള (61), അരയാക്കൂലിലെ പറച്ചാന്‍കണ്ടി മുഹമ്മദലി (56) എന്നിവരാണ് അറസ്റ്റിലായത്.
വിദ്യാര്‍ഥിയെ വിവിധ സ്ഥലങ്ങളില്‍ കൊണ്ട് പോയി പീഡിപ്പിച്ചതായി പരാതിയില്‍ പറയുന്നു. പ്രതികളെ ഇന്നു കോടതിയില്‍ ഹാജരാക്കും.