കണ്ണൂര്‍: ജില്ലയില്‍ കുപ്പിവെള്ള കമ്പനികളില്‍ പരിശോധന കര്‍ശനമാക്കി ഭക്ഷ്യസുരക്ഷാ വകുപ്പ്. ഇതിനായി രൂപീകരിച്ച സ്‌പെഷല്‍ സ്‌ക്വാഡ് ജില്ലയിലെ ആറ് കുപ്പിവെള്ള കമ്പനികളിലും ഇതിനോടകം പരിശോധന നടത്തി. ശേഖരിച്ച സാമ്പിളുകള്‍ പരിശോധനയ്ക്ക് അയച്ചിരിക്കുകയാണ്. കൂടാതെ പഞ്ചായത്ത്തല പരിപാടിയുടെ ഭാഗമായി ജില്ലയിലെ പൊതുകിണറുകളിലും ജലവിതരണ കേന്ദ്രങ്ങളിലും പരിശോധന നടത്തുകയും 100 സാമ്പിളുകള്‍ ശേഖരിക്കുകയും ചെയ്തു. എക്‌സൈസ് വകുപ്പുമായി സംയോജിച്ച് ബാറുകളിലും കള്ളുഷാപ്പുകളിലും പരിശോധന നടത്തുകയും നോട്ടിസ് നല്‍കുകയും ചെയ്തിട്ടുണ്ട്. ജില്ലയിലെ ലെസ്സി ഷോപ്പുകളിലും സംഘം പരിശോധന നടത്തി.