കൊല്ലം: ബി.ജെ.പിക്കെതിരെ പോരാടാനുള്ള സഖ്യത്തില്‍ കോണ്‍ഗ്രസുമായുള്ള കൂട്ട് അനിവാര്യമാണെന്ന് സി.പി.ഐ ദേശീയ ജനറല്‍ സെക്രട്ടറി ഡി.രാജ. ജനാധിപത്യ മതേതര ഇടതു സഖ്യത്തില്‍ നിന്നു കോണ്‍ഗ്രസിനെ ഒഴിവാക്കാനാകില്ലെന്നും രാജ പറഞ്ഞു. കരടു രാഷ്ട്രിയ പ്രമേയം ഇന്ന് അവതരിപ്പിച്ച് നാളെ ചര്‍ച്ച ചെയ്യാനിരിക്കെയാണു സി.പി.ഐ ദേശീയ നേതൃത്വം നിലപാട് വ്യക്തമാക്കിയത്. കോണ്‍ഗ്രസിനോടുള്ള സമീപനത്തില്‍ പാര്‍ട്ടിയില്‍ ഭിന്നതയില്ലെന്നും രാജ പറഞ്ഞു.

പ്രധാനമന്ത്രി നരേന്ദ്ര മോദിയെ വീഴ്ത്താനുള്ള രാഷ്ട്രിയ നയരൂപീകരണത്തിനു പാര്‍ട്ടി കോണ്‍ഗ്രസില്‍ ചര്‍ച്ച നടക്കാനിരിക്കെയാണ് രാജയുടെ പ്രതികരണം.