മീററ്റ്: 11ാം നൂറ്റാണ്ടില്‍ ജീവിച്ചിരുന്ന മനുഷ്യരുടെതെന്ന് കരുതുന്ന 13 അസ്ഥിക്കൂടങ്ങള്‍ പുരാവസ്തു ഗവേഷണ വിഭാഗം കണ്ടെടുത്തു. അവശിഷ്ടങ്ങള്‍ വിശദമായ പഠനത്തിന് വിധേയമാക്കുമെന്ന് പുരാവസ്തു ഗവേഷണ വിഭാഗം ഡയരക്ടര്‍ സഞ്ജയ് മഞ്ജുള്‍ പറഞ്ഞു. രജപുത്ര കാലഘട്ടമായ ഏഴാം നൂറ്റാണ്ടിനും 12ാം നൂറ്റാണ്ടിനും ഇടയില്‍ ജീവിച്ചിരുന്നവരുടെതായിരിക്കും മൃതദേഹാവശിഷ്ടങ്ങളെന്ന് സംശയിക്കുന്നുണ്ടെന്ന് ചരിത്ര പണ്ഡിതര്‍ പറഞ്ഞു.