കോഴിക്കോട്: സൈന്‍ ഫിലോസ്ഫിയറിലെ റെസിഡന്‍ഷ്യല്‍ സ്‌കൂളിങ് സംരംഭമായ ഇന്റര്‍നാഷണല്‍ അബോഡ് ഫോര്‍ ഫ്യൂച്ചര്‍ സ്‌കോളേഴ്‌സിന്റെ  പ്രഥമ കോണ്‍വെക്കേഷന്‍ സംഗമത്തിന് പരിസമാപ്തി. ജെ.ഡി.ടി ഇസ്‌ലാമില്‍ നടന്ന സമാപന ചടങ്ങില്‍ സയ്യിദ് മുനവ്വറലി ശിഹാബ് തങ്ങള്‍ പഠനം പൂര്‍ത്തിയാക്കിയ പതിനേഴ് വിദ്യാര്‍ഥികള്‍ക്ക് അംഗീകാരപത്രം നല്‍കി.
എം.ജി.യൂനിവേഴ്‌സിറ്റി പ്രൊ.വൈസ് ചാന്‍സലര്‍ ഡോ.ഷീന ഷുക്കൂര്‍ സംഗമം ഉദ്ഘാടനം ചെയ്തു. റാഷിദ് ഗസ്സാലി കൂളിവയല്‍ ആമുഖഭാഷണം നിര്‍വഹിച്ചു. വിദ്യാഭ്യാസ രംഗത്ത് ഉന്നത നിലവാരം സൂക്ഷിക്കുന്ന കലാലയങ്ങള്‍ക്ക് നല്‍കപ്പെടുന്ന ഐ.എസ്.ഒ അംഗീകാരം ബി.ഐ.സി ചീഫ് ഓഡിറ്റര്‍ ബാല സുബ്രഹ്മണ്യം സൈന്‍ ചെയര്‍മാന്‍ മുനവ്വറലി ശിഹാബ് തങ്ങള്‍ക്ക് കൈമാറി.
ജെ.ഡി.ടി ജനറല്‍ സെക്രട്ടറി സി.പി കുഞ്ഞിമുഹമ്മദ്, ഫാറൂഖ് കോളജ് മുന്‍ പ്രിന്‍സിപ്പല്‍ കുട്ട്യാലിക്കുട്ടി, കമാല്‍ വരദൂര്‍, അബ്ദുല്ല ദാരിമി, യഹ്‌യ ഖാന്‍, പി.സി ഇബ്‌റാഹീം, കെ.എം അബ്ദുല്ല,  കണ്ണോളി മുഹമ്മദ് സംസാരിച്ചു.വി. ഹുസൈന്‍ സ്വാഗതവും ബാസിം ഗസ്സാലി നന്ദിയും പറഞ്ഞു.