ഗൂഡല്ലൂര്‍: എന്‍ജിനീയറിങ് കോളജ് വിദ്യാര്‍ഥിയെ വീട്ടിലെ ബാത്ത്‌റൂമില്‍ തൂങ്ങിമരിച്ച നിലയില്‍ കണ്ടെത്തി. കുന്നൂര്‍ സ്വദേശി പൊതുമരാമത്ത് വകുപ്പ് എന്‍ജിനീയര്‍ ശ്രീനിവാസന്റെ മകന്‍ അശ്വിന്‍ ബാലാജി (21) ആണ് മരിച്ചത്.
കോയമ്പത്തൂര്‍ ശരവണന്‍പെട്ടി എന്‍ജിനീയറിങ് കോളജിലെ മൂന്നാംവര്‍ഷ വിദ്യാര്‍ഥിയായിരുന്നു. കോയമ്പത്തൂരിലെ വല്ല്യച്ചന്‍ ശിവരാമന്റെ വീട്ടില്‍ താമസിച്ചാണ് അശ്വിന്‍ കോളജില്‍ പോയിരുന്നത്. വല്ല്യച്ചന്റെ വീട്ടിലാണ് വിദ്യാര്‍ഥി തൂങ്ങിമരിച്ചത്. പൊലിസ് അന്വേഷണം ആരംഭിച്ചു.