തിരുവനന്തപുരം: പുതുവത്സരത്തലേന്ന് കേരളം കുടിച്ചുതീര്‍ത്തത് റെക്കോര്‍ഡ് മദ്യം. ബെവ്‌കോ പുറത്തുവിട്ട കണക്കുപ്രകാരം 98.57 കോടി രൂപയുടെ മദ്യമാണ് ഡിസംബര്‍ 31 ന് മാത്രം വിറ്റത്. ബിവ്‌റിജസ് വഴിയുള്ള വില്‍പനയില്‍ ആകെ രേഖപ്പെടുത്തിയിരിക്കുന്നത് എട്ട് ശതമാനം വര്‍ദ്ധനയാണ്.

തിരുവനന്തപുരത്ത് ഏറ്റവും അധികം മദ്യം വിറ്റഴിച്ചത്. 88.01 ലക്ഷം മദ്യമാണ് ഇവിടെ ഒരു ഔട്ട്‌ലെറ്റില്‍ വിറ്റത്. കഴിഞ്ഞ വര്‍ഷം ഇത് 64.37 ലക്ഷമായിരുന്നു.

ക്രിസ്മസ് തലേന്നും സംസ്ഥാനത്ത് റെക്കോര്‍ഡ് മദ്യവില്‍പ്പനയാണ് നടന്നത്. ഡിസംബര്‍ 24 ന് ബിവ്‌റിജസ് കോര്‍പ്പറേഷന്‍ ഔട്ട്‌ലെറ്റുകളില്‍ മാത്രം നടന്നത് 51.65 കോടിയുടെ മദ്യവില്‍പ്പനയാണ്. കഴിഞ്ഞ വര്‍ഷത്തേക്കാള്‍ 4.11 കോടി രൂപയുടെ അധിക മദ്യവില്‍പ്പനയാണ് ഇത്തവണ നടന്നത്.

ക്രിസ്മസ് -ന്യൂ ഇയര്‍ ഉള്‍പ്പെടുന്ന 10 ദിവസത്തെ വില്‍പ്പനയിലും വര്‍ദ്ധന ഉണ്ട്. 522 കോടിയാണ് ഈ കാലയളവിലെ വില്‍പ്പന. കഴിഞ്ഞ വര്‍ഷം ഇത് 512 കോടിയായിരുന്നു.