ഇരിട്ടി: കച്ചേരിക്കടവ് പാറയ്ക്കാമലയില്‍ തീപിടിത്തം. മൂന്ന് ഏക്കര്‍ സ്ഥലത്തെ കൃഷി നശിച്ചു. നാട്ടുകാരും അഗ്‌നിശമന സേനയും ചേര്‍ന്ന് തീ അണച്ചതിനാല്‍ വന്‍ അപകടം ഒഴിവായി. ബെന്നി ചിറപ്പാട്ട്, അബ്ദുല്ല ഇരിട്ടി, തോമാച്ചന്‍ ഉപ്പുമാക്കല്‍ എന്നിവരുടെ ഒരേക്കര്‍ വീതം സ്ഥലത്തെ കശുമാവും റബറുമാണ് കത്തിനശിച്ചത്. ബെന്നിയുടെ പറമ്പിലൂടെ കടന്നുപോകുന്ന വൈദ്യുതി ലൈനില്‍ കാറ്റില്‍ മര ശിഖിരം ഒടിഞ്ഞുവീണുണ്ടായ തീപ്പൊരിയാണ് അഗ്‌നിബാധയ്ക്കു കാരണമെന്ന് നാട്ടുകാര്‍ പറഞ്ഞു. കുന്നിന്‍ പ്രദേശമായതിനാല്‍ അഗ്‌നിശമന സേനയ്ക്കു വേഗം എത്താനും കഴിഞ്ഞില്ല.